Tadarusan
Tadarusan ialah tradisi mambaca alquran baimbaian. Tadarus (bahasa Arab: تَدَارُس) ngini tradisi nang dilakuakan umat Islam di Indunusia baulang-ulang nang digawi dua atawa labih urang, biasanya digawi di bulan Ramadan.[1]
Tadarusan di Buhan Banjar
[babak | babak asal-mulanya]Tradisi tadarusan di buhan Banjar ngini biasanya digawi antara dua, di bulan Ramadan atawa digawian kabiasaan di masyarakat.[2] Biasanya tradisi tadarusan ngini bila sudah tamat 30 juz maka ditutup lawan tradisi Batamat.[3] Tadarusan nang digawi di bulan Ramadan ngini biasanya dilakuakan di langgar atawa di masjid. Ada kakanakan wan urang tuha biasanya manggawi tadarusan ngini imbah sumbahyang tarawih.[4] Tadarus nang digawi rutin biasanya salajuran arisan, ada nang lakian ada jua nang binian. Tadarusan ngini ada nang digawi malam atawa suri hari. Mambaca tadarusan ngini jua biasanya digawi mamakai mushaf mukaddam.[2] Mushaf ngini ngitu pakai satiap juz dipisah butingan. Jadi, mushaf ngitu dibagiakan bakuliling. saikung urang dapat sabuting juz. Imbah itu, samunyaan mambaca sampai tuntung sahajuz surang.
Jajuhutan
[babak | babak asal-mulanya]- ↑ "Arti kata tadarus - Kamus Besar Bahasa Indonesia (KBBI) Online". kbbi.web.id. Diakses tanggal 2026-02-20.
- 1 2 Nadhiroh, Wardatun (2018-01-01). "Tradisi Kelisanan dan Keaksaraan al-Qur'an di Tanah Banjar". Laporan Penelitian Litapdimas.
- ↑ "Wardatun Nadhiroh – Pustaka Diniyah" (dalam bahasa Inggris). Diakses tanggal 2026-02-20.
- ↑ Daud, Alfani (1997). Islam dan masyarakat Banjar: diskropsi dan analisa kebudayaan Banjar (dalam bahasa Melayu). PT RajaGrafindo Persada.