THR
THR atawa Tunjangan Hari Raya ialah pandapatan kada upah nang wajib dibayarakan pambari gawian lawan urang-urang bagawian atawa kulawarga pas sabaluman ari raya kaagamaan di Indunisia.THR ngini wajib dibayarakan salambat-lambatnya tujuh ari sabalum ari raya kaagamaan.[1] THR tamasuk ka katiguri panghasilan kada tatap nang jadi ubjik pajak panghasilan (PPh), tarait lawan Pasal 21 di Permenaker 6/2016.[2] Upah nang diartiaakan ngini ialah duit.[3]
Hari raya kaagamaan nang diartiakan ialah Idul Fitri gasan urang-urang gawian nang baagama Islam, Natal gasan urang-urang bagawian nang baagama Prutistan wan Katulik, Nyepi gasan urang-urang bagawian nang baagama Hindu, Waisak gasan urang-urang baagama Buddha, wan Imlik gasan urang-urang bagawian nang baagama Kunghucu.[4][5]
Hukum wan Katantuan
[babak | babak asal-mulanya]Pamarintah Indunisia manatapakan dasar hukum THR lewat Paraturan Mantri Katanagakarjaan Numur 6 Tahun 2016 takait lawan Tunjangan Hari Raya Kaagamaan Gawan Urang Bagawian atawa Buruh di Parusahaan (Permenaker 6/2016). Paraturan ngini tarait matan 13 pasal wan mula'i dibarlakukan pas diundangakan, bujurnya pas 8 Marit 2016.[6]
Di dalam Pasal 3 ayat (2) Permenaker 6/2016 disambatakan, urang bagawian atawa buruh nang baisi waktu gawian satu bulan dibarii manurut prupursiunal sasuai waktu bagawian.[7] Katatapan ngini babida lawan katantuan sabalumannya nang manatapakan urang bagawian atawa buruh nang barhak mandapatakan THR yaitu nang baisi waktu bagawian salawasnya tiga bulan.
Katantuan ngini kada gasan urang-urang bagawian tatap atawa lawan Parjanjian Karja Waktu Tidak Tartantu (PKWTT) haja, tagal tarait jua lawan urang-urang bagawian kuntrak atawa lawan Parjanjian Karja Waktu Tartantu (PKWT). Urang-urang bagawian nang takana Pamutusan Hubungan Karja (PHK) salawas waktu 20 ari sabalum hari raya kaagamaan jua tatap barhak manarima THR gasan tahun bajalan pas PHK tajadi. Hal ngini barlaku gasan urang-urang bagawian lawan status PKWTT. Nang lain, urang-urang bagawian nang dipindahakan ka parusahaan hanyar lawan waktu bagawian nang balanjut tatap barhak dapat THR di tampat gawian nang hanyar. Nang ngini barlaku jaka parusahaan sabalumnya balum mambarii THR pas tahun ngitu.[8]
Sawagai tambahan, urang-urang bagawi saharian lapas jua tamasuk katiguri nang barhak mandapatakan THR. Arti urang-urang bagawi harian lapas ialah bubuhan nang bagawi lawan waktu wan gawiannya kada tatap, wan juwa upah nang dihitungi badasarkan kahadiran. Tagal, gasan mamanuhi syarat manarima THR, urang-urang ngitu harus baisi waktu gawian minimal satu bulan baturut-turut.[8]
Imbahnya, paraturan hanyar dikaluarkan ulih Mantri Katanagakarjaan di Indunisia yaitu Paraturan Pamarintah (PP) Numur 36 Tahun 2021 takait lawan Pangupahan. Ulih karananya, gasan parusahaan nang kada mambarii THR, bubuhannya kawa dikanaakan sangsi.[9]
Tujuan
[babak | babak asal-mulanya]Tujuan nang utama adanya THR ngini ialah mangganii urang-urang bagawian mamanuhi kabutuhan finansial wan gasan maningkatakan daya tukar masyarakat salawas parayaan hari ganal. Ngini ialah salah sabuting bantuk panghargaan wan parhatian matan parusahaan lawan urang-urang bagawian nang gawiannya baik.[9]
Jujuhutan
[babak | babak asal-mulanya]- ↑ Pasal 1 ayat (1) Permenaker 6/2016
- ↑ "Siap Terima THR? Begini Cara Hitung Pajaknya". Direktorat Jenderal Pajak (dalam bahasa Indonesia). Diakses tanggal 2026-02-17.
- ↑ "Tanya Jawab Seputar Tunjangan Hari Raya (THR)". WageIndicator Foundation (dalam bahasa Indonesia). Diakses tanggal 2026-02-17.
- ↑ Pasal 1 ayat (2) Permenaker 6/2016
- ↑ Asmara, Meidy Putri; Khayatudin, Khayatudin; Yo’e, Siciliya Mardian (2022-09-30). "Implementasi Permenaker Nomor 6 Tahun 2016 Tentang Tunjangan Hari Raya Keagamaan Bagi Tenaga Kerja Atau Buruh Di Perusahaan Terhadap Hak Tenaga Kerja Atas Tunjangan Hari Raya (Studi Cv Yaiki Kediri)". Jurnal Fundamental Justice (dalam bahasa Indonesia): 125–142. doi:10.30812/fundamental.v3i2.2368. ISSN 2721-7671.
- ↑ Permenaker 6/2016
- ↑ Pasal 3 ayat (2) Permenaker 6/2016
- 1 2 "Tunjangan Hari Raya (THR): Aturan dan Cara Menghitungnya". sahabat.pegadaian.co.id (dalam bahasa Indonesia). Diakses tanggal 2026-02-17.
- 1 2 "Wajib Tahu! Serba-Serbi Soal THR dan Cara Perhitungannya yang Tepat". banksaqu. 11 Mar 2025. Diakses tanggal 2026-02-17.