Syuaib
.png)
Syuaib ialah saurang tukuh dalam Al-Qur'an, yaitu saurang Nabi wan Rasul nang diutus gasan badakwah lawan kaum Madyan. Dalam daptar 25 Nabi, karancakan inya disambatakan imbah Lut wan sabalum Musa. Syuaib rancak dianggap urang nang sama lawan Yitro, mintuha Musa, biar babarapa manulak pandapat ngitu.
Ngaran Syuaib disambatakan dalam Al-Qur'an sabanyak sabalas kali[1] wan kisahnya disambatakan dalam surah Al-A'raf/7: 85-93; Hud/11: 84-95; Al-Hijr/15: 78-79; Asy-Syu'ara/26: 176-191; wan Al-'Ankabut/29: 36-37. Kisah Syuaib dalam Al-Qur'an bapusat lawan parjuangannya dalam manyampaiakan dakwah ka kaumnya babulik ka jalan Allah sawagaimana bubuhan Nabi lainnya.
Al-Qur'an kada marincikan latar balakang Syuaib salain manyambatakan, inya baasal matan kulawarga nang cukup tahurmat di kalangan kaum Madyan.[2] Tagal, tadapat babarapa pandapat matan bubuhan ulama tarait masalah ngini. Sapalih bapandapat, Syuaib ialah juriat Ibrahim, yaitu Syuaib bin Yasyjun bin Lawi bin Shaifur bin 'Abqa bin Tsabit bin Madyan (Midian) bin Ibrahim. Ibnu Ishak manyambatakan, juriatnya ialah Syuaib bin Maikal bin Yasyjun.[3] Ibnu Asakir bapandapat, Syuaib hidup imbah jaman Yusuf.[4]
Wahab bin Munabbih manyambatakan, Syuaib kada matan juriat Ibrahim, tagal paumpatnya wayah masih di Mesopotamia, wayahitu Ibrahim balum baisi anak. Diujarakan, Syuaib umpat hijrah ka Syam lawan kapilah Ibrahim wan kawin lawan anak bibinian Lut. Pandapat lain manyambatakan, anak bibinian Lut ialah uma Syuaib, sapalih lagi manyambatakan ialah nininya.[3]
Syuaib tamasuk urang nang manyampaiakan dakwah lawan kaumnya supaya manuhanakan Allah wan manstupakan kalakuan-kalakuan buruk bubuhannya. Inya jua marupakan saurang matan ampat Nabi nang baasal matan bangsa Arab.
Dalam sabuting riwayat manyambatakan, Nabi Muhammad saw. tarait Syuaib, "Inya ialah juru tatakunan bubuhan Nabi." Sapalih ulama manyambatakan, Syuaib disambat kaitu karana kapasihan, tingkat basa, wan gaya basannya tinggi banar dalam manyampaiakan dakwah ka kaumnya supaya baiman.
Tadapat babarapa tampat nang diyakini sawagai makam Syuaib, yaitu:
- Wadi Syuaib, Yordania.[5] Batampat di sabalah barat kuta Mahis sajauh 2 km;
- Nabi Syuaib, di kawasan Galilea Hilir[6][7];
- Disa Guriyeh, Iran barat daya[8];
- Samananjung Sinai;
- Sabalah barat Kakbah, di antara Darun Nadwah wan Daru Bani Sahm[4];
- Gunung (jabal) Nabi Syuaib, Yaman.[9][10]
Daptar Buku
[babak | babak asal-mulanya]- Ibnu Katsir (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. ISBN 978-602-6247-11-7.
Jujuhutan
[babak | babak asal-mulanya]- ↑ Ngaran Syuaib disambatakan sabanyak sabalas kali dalam surah-surah Al-Qur'an, yaitu: Al-A'raf/7: 85, 88, 90, 92 (2 kali); Hud/11: 84, 87, 91, 94; Asy-Syu'ara'/26: 117; Al-'Ankabut/29: 36
- ↑ Hud/11: 91-92
- 1 2 Katsir, Ibnu (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. hlm. 300. ISBN 978-602-6247-11-7.
- 1 2 Katsir, Ibnu (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. hlm. 316. ISBN 978-602-6247-11-7.
- ↑ "Google Earth Community: Tomb of the Prophet Shoaib". web.archive.org. Diarsipkan dari versi asli tanggal 2007-12-28. Diakses tanggal 2026-03-17.
- ↑ Firro, Kais (1999). The Druzes in the Jewish State: A Brief History (dalam bahasa Inggris). BRILL. ISBN 978-90-04-11251-3.
- ↑ Dana, Nissim (2003). The Druze in the Middle East: Their Faith, Leadership, Identity and Status (dalam bahasa Inggris). Sussex Academic Press. ISBN 978-1-903900-36-9.
- ↑ "Wayback Machine". web.archive.org. Diarsipkan dari versi asli tanggal 2015-04-06. Diakses tanggal 2026-03-17.
- ↑ Burrowes, Robert D. (2010). Historical Dictionary of Yemen (dalam bahasa Inggris). Bloomsbury Publishing PLC. ISBN 978-0-8108-5528-1.
- ↑ Mclaughlin, Daniel (2008-02-12). Yemen (dalam bahasa Inggris). Bradt Travel Guides. ISBN 978-1-84162-212-5.