Syamsiar Seman
Syamsiar Seman marupaakan budayawan wan panulis matan Kalimantan Salatan. Sidin diranakakan pada tanggal 1 April 1936 di Barabai, Hulu Sungai Tangah, Kalimantan Salatan. Imbah manuntungakan sakulahnya, Syamsiar Seman mulai bagawi di macam-macam gawian, suah jadi guru Sakulah Rakyat Nagari sampai jadi Kapala Sakulah di sakulah itu tadi sakaligus marangkap jadi Kapala Sekolah. [1] Baluman jadi guru Sakulah Rakyat Nagari, sidin lulusan pandidikan Fakultas Susial dan Ilmu Pulitik Universitas Lambung Mangkurat (ULM), Banjarmasin. Sidin manulis puisi, kisah handap wan artikal parihal sani budaya dairah, antara lain dimasukakan wadah majalah Jakarta, Pancawarna (1955), Ipphos Report (1956), Indonesia (1957-1958), Sinar Islam (1957-1958), Konfrontasi (1960), Varia (1962-1963), Bina Sejahtera (1975-1986), Monitor (1981-1982), Warnasari (1981-1982); Majalah di Bandung, Pusparagam (1955-1958), Berita Minggu (1959); Majalah di Medan, Tifa (1955), Suara Pemuda (1956-1957); Majalah di Yogyakarta, Minggu Pagi (1962-1963), Pesat (1962-1963); Majalah di Surabaya, Tanah Air (1961-1962), Pembina (1962-1963) wan di macam-macam surat kabar nang lainnya.
Sidin dapat Piagam wan Hadiah Sani matan Gubernur Kalsel 1977, dalam Sastra Dairah Banjar. Manjabat sakrataris Diwan Kasanian Dairah Kalsel (1971-1977), Katua Badan Koordinasi Kasanian Nasional Indonesia Kalsel (1978-1980), Anggota Pangurus DPD KNPI Kalsel (1979-1982), Angguta Majilis Partimbangan Saniman Diwan Kasanian Dairah Kalsel (1994-sekarang), anggota Lambaga Budaya Banjar Kalsel (1944-wahini).
Pangasuh Ruang Seni Budaya dairah RRI Nusantara III Banjarmasin (1977-1988). Jawara I Sayembara Nasional Cipta Lagu Mars Tantri Kancana Jakarta (1978), Panulis buku parihal Masalah Kaluarga Barancana wan Kapandudukan, Arsitiktur Dairah Banjar, Kawinan Adat, Paribahasa, mainan rakyat, bahasa Banjar, Carita Rakyat Kalimantan Selatan, Sasirangan, dan Kuliner gasan SD wan SMP dalam 9 jilid. Buku-bukunya jua dikumpulakan di Library of Congress. Tahun 2002, Kapala Parpustakaan Kadutaan Ganal Amerika Serikat di Jakarta datang ka Banjarmasin gasan mandapatakan sabarataan buku ulahan Syamsiar Seman. Buku itu kada malulu dikumpulakan akan tatapi jua dijadiakan bahan panalitian.
Sabagai pamakalah masalah-masalah Budaya Dairah Banjar, kada nang lain pada Saminar Arsitiktur Tradisional Kalimantan Selatan 1983, Kuliah Begawi di Lapangan Jurusan Arsitiktur Fakultas Tiknik Universitas Diponegoro Samarang 1993, Third Biennial International Conference (The Borneo Research Council) Puntianak 1994, Survey Rumah Adat Banjar bagi Program Magister Seni Rupa wan Desain Institut Teknologi Bandung 1996.
Pangalaman Bagawi
[babak | babak asal-mulanya]- Guru sekolah rakyat sampai kepala sekolah dasar
- Pegawai Kantor Gubernur Kalsel (1963-1974)
- Eselon III BKKBN Kalsel (pensiun 1992)
- Dosen Luar Biasa Fakultas Sospol Unlam (1977-1979), Fakultas Dakwah IAIN Antasari (1979-1988), dan beberapa perguruan tinggi swasta di Banjarmasin
- Dekan Fakultas Ilmu Administrasi Negara pada Institut Administrasi
- Bina Banua (1982-1985)[2]
Urganisasi
[babak | babak asal-mulanya]- Sekretaris Dewan Kesenian Daerah Kalsel (1971-1977)
- Ketua Badan Koordinasi Kesenian Indonesia Kalsel (1978-1980)
- Anggota Pengurus Kesenian Daerah Kalsel (1994-sekarang)
- Anggota Lembaga Budaya Banjar Kalsel (1997-sekarang)[2]
Panghargaan
[babak | babak asal-mulanya]- Penghargaan Sastra dari Gubernur Kalsel (1977)
- Penghargaan Windu Kencana Jakarta (1984)
- Penghargaan Tanda Kehormatan Satyalencana Karya Satya Kelas III dari Presiden (1989)
- Penghargaan Tanda Kesetiaan Dwi Kencana Jakarta (1990)
- Penghargaan dari Ikatan Arsitek Indonesia (1999)
- Borneo Award (2000)[2]
Daptar Jujuhutan
[babak | babak asal-mulanya]- ↑ "Profil Syamsiar Seman". merdeka.com (dalam bahasa Indonesia). 2025-03-08. Diakses tanggal 2025-03-08.
- 1 2 3 Indonesia, Tokoh (2011-02-23). "Syamsiar Seman". TokohIndonesia.com - Tokoh.ID (dalam bahasa Inggris). Diakses tanggal 2025-03-08.