Syair Banjar

Syair Banjar yatu syair-syair nang ditulis dalam bahasa Banjar, nang diparsambahkan sama kayak Syair Melayu yatu dilantunakan atawa dilaguakan kayak mambaca gurindam (mirip urang mangaji Al-Qur'an).

Latar Belakang

Istilah syair kadada panyamaannya dalam bahasa Banjar, sahubungan lawan ngitu Ganie matan tahun 2007 langsung maasuh istilah ngaran gasan manyambat hal nang sama dalam khasanah puisi rakyat bebasa Banjar.

Pangartian Syair Banjar

Syair Banjar yatu puisi rakyat hiburan nang dipandirakan atawa ditulisakan dalam bahasa Banjar wan bantuk rupanya marujuk syair nang sudah dipindui sacara umum,wan rupa mentalnya maruju sabarataan unsur kabudayaan nang jadi identitas khas suku Banjar.

Unsur-unsur Syair Banjar

Fisik

Ada 5 unsur rupa nang maulah "batang tubuh" syair Banjar, yatu:

1. Bahasa Banjar; mamakai Bahasa Banjar.
2. Kalihatan; syairnya talihat audial dan visual.
3. Kata nyatanya bahasa Banjar.
4. Rima; bisi bunyi akhiran kata-kata nang harmonis.
5. Irama; mempunyai irama (naik-turunnya nada) saat dilantunkan.

Mental

6 unsur mental nang manyusun "batang tubuh" syair Banjar yatu:

1. Tima; mempunyai tema nang jalas.
2. Perasaan; dilantunakan wan parasaan.
3. Nada; tadangar bagus dilantunakan.
4. Amanat; mangandung nasihat nang mendidik.
5. Imaji; dapat dibayangkan (carita) syairnya.
6. Majas; mangandung kiasan.

Sajarah Syair Banjar

Sajak Karajaan Banjar diproklamasi akan ulih Sultan Suriansyah pada tanggal 24 September 1526, warga nagara Kerajaan Banjar bamula balajar aksara Arab. Ngini barkaitan wan kaputusan politik Sultan Suriansyah manjadikan agama Islam gasan ideologi nagara di Kerajaan Banjar. Mulai dari bimbingan para ulama nang didatangakan ulih Karajaan Damak dibawah kuasa Khatib Dayan, warga nagara Karajaan Banjar balajar manulis dan mambaca dalam aksara Arab. Pada mulanya katarampilan baca tulis dimaksud dipakai gasan kapantingan balajar agama Islam nang hanyar dianut. Tagal, dalam parkambangan labih lanjut, aksara Arab jua dimanfaatakan gasan manulisakan sagala hal, tamasuk di dalamnya manulis karya sastra babahasa Banjar barupa syair (syair Banjar).

Syair Banjar Anonim

Pada mulanya syair Banjar nang diualah sacara manual sabagai buah karajinan tangan di bidang tulis manulis basifat anonim, kada dikatahui siapa panulis syairnya nang panambayan (kada tahu siapa nang barhak sabagai paingkut hak cipta intelektualnya).

Syair Banjar anonim dimaksud yatu:

1. Syair Ratu Kuripan
2. Syair Gunung Sari
3. Syair Perang Banjarmasin
4. Syair Carang Kulina
5. Syair Perang Wangkang
6. Syair Hemop
7. Syair Perahu
8. Syair Burung Jujuk
9. Syair Burung Karuang
10. Syair Intan Permainan

Syair Perang Banjarmasin

Syair Perang Banjarmasin  yatu syair anonim nang diulah ulih buhan nang pro-kolonial Belanda, sahingga dalam teks pambukanya mamuji susunan pemerintahan Belanda. Dalam syair tasebut sosok Pangeran Hidayatullah digambarakan sabagai kepala kumpulan panjahat, padahal gasan orang Banjar sidin yatu urang patriotik nang sudah mambila harkat dan martabat Kesultanan Banjar. Dalam syair ngitu manyinggung jua kabaradaan kerajaan Tjingal dan Manoenggoel.

Syair Banjar Lainnya

1. Syair Brahma Syahdan karya Gusti Ali Basyah Barabai
2. Syair Madi Kencana karya Gsuti Ali Basyah Barabai
3. Syair Teja Dewa karya Anang Mayur Babirik
4. Syair Nagawati karya Anang Mayur Babirik
5. Syair Ranggandis karya Anang Ismail Kandangan
6. Syair Siti Zubaidah karya Anang Ismail Kandangan
7. Syair Tajul Muluk karya Kiai Mas Dipura Martapura
8. Syair Nur Muhammad karya Gusti Zainal Marabahan
9. Syair Ibarat karya Mufti Haji Abdurrahman Siddik Al-Banjary
10. Syair Burung Simbangan
11. Syair Burung Bayan dengan Burung Karuang

Aliran Nada Syair Banjar

1. Alunan Banjar
2. Alunan Martapura