Capil ka isi

Swiss-Belhotel Danum Palangka Raya

Tumatan Wikipidia Banjar, kindai pangatahuan

Swiss-Belhotel Danum Palangka Raya ngini sabuting hotel bintang 4 nang ada di Kuta Palangka Raya. Hotel ngini andakannya di Jalan Tjilik Riwut KM.5 No.9, Kalurahan Bukit Tunggal, Kecamatan Jekan Raya, Kuta Palangka Raya, Kalimantan Tangah.

Hotel ngini dirasmiakan wayah Rabu, 16 Mai 2012. Pambukaan hotel ngini disaruani ulih Wakil Hubnur Kalimantan Tangah yakni Achmad Diran.[1] Swiss-Belhotel Danum Palangka Raya sabujurnya sudah manarima tamu matan Marit 2012, tagal hanyar rasmi dibuka pas tanggal 16 Mai 2012.[1]

Desain hotel ngini parpaduan gaya kontemporer wan budaya lokal. Desain interior malihatakan tema bamamacam budaya Dayak dalam fasilitas wan palayanan, gasan mamastiakan kanyamanan tinggal bubuhan tamu bisnis wan wisatawan.[2]

Hotel ngini baandakan di atas lahan nang luasnya 18.000 m2 wan diharagu ulih Swiss-Belhotel International.[1]

Swiss-Belhotel Danum Palangkaraya manawariakan serangkaian fasilitas di Palangkaraya gasan kanyamanan tamu, nangkaya kulam bakunung, kulam kakanak, restoran, lobby lounge, bar lawan jua business center.[3]

Jumlah kamarnya ada 150[2] tardiri matan bamacam parian kamar, nang kaya Kamar Deluxe, Deluxe Pool View, Deluxe Pool Access, Junior Suite, Kamar Suite.[4]

Swiss-Belhotel Danum Palangkaraya baisi sawalas ruang batamuan, tamasuk boardroom wan ballroom gasan batamuan parusahaan wan acara pribadi nang sanggup hibak sampai 1.500 ikung. Masing-masing ruang batamuan langkap sudah duwa fasilitas modern nang kawa disasuaiakan lawan acara napang nang handak digawi wan kahandak klien.[5]

  1. 1 2 3 Dwi Bayu Radius (16 Mei 2012). "Swiss-Belhotel Danum Dibuka di Palangkaraya". Kompas. Diakses tanggal 5 Juli 2025.
  2. 1 2 "Swiss-Belhotel Danum Palangkaraya". Swiss-Belhotel. Diakses tanggal 5 Juli 2025.
  3. ↑ "Fasilitas Hotel — Swiss-Belhotel Danum Palangkaraya". Swiss-Belhotel (dalam bahasa Indonesia). Diakses tanggal 9 Februari 2025.
  4. ↑ "Kamar — Swiss-Belhotel Danum Palangkaraya". Swiss-Belhotel (dalam bahasa Indonesia). Diakses tanggal 5 Juli 2025.
  5. ↑ "Ruang Pertemuan — Swiss-Belhotel Danum Palangkaraya". Swiss-Belhotel (dalam bahasa Indonesia). Diakses tanggal 5 Juli 2025.
Dijumput matan "https://bjn.wikipedia.org/w/index.php?title=Swiss-Belhotel_Danum_Palangka_Raya&oldid=106062"