Capil ka isi

Susi Pudjiastuti

Tumatan Wikipidia Banjar, kindai pangatahuan
Dr. (HC.)Susi Pudjiastuti
Mantri Kalautan wan Paiwakan ka-ka-7
Masa jabatan
27 Oktober 2014 – 20 Oktober 2019
Presiden Joko Widodo
Didahului oleh Sharif Cicip Sutarjo
Digantikan oleh Edhy Prabowo
Informasi pribadi
Ranak 15 Januari 1965 (umur 59)
Citakan:Negara Pangandaran, Jawa Barat, Indonesia
Kabangsaan  Indonesia
Partai pulitik Independen
Laki/bini Yoyok Yudi Suharyo
(k. 1983; c.1986)
Daniel Kaiser
(k. 1992; c.1999)[1]
Christian von Strombeck[2]
Anak Panji Hilmansyah (l.1984)
Nadine Kaiser (l.1994)
Alvy Xavier (l.2001)
Gawian Pausaha
Agama Islam

Dr. (H.C.) Susi Pudjiastuti (diranakakan 15 Januari 1965) adalah ngaran mantan Mantri Kalautan wan Paiwakan matan Kalumpuk Gawi 2014-2019 nang sidin juwa pangusaha wan Prisidin Diriktur PT ASI Pudjiastuti Marine Product, eksportir hasil-hasil paiwakan wan PT ASI Pudjiastuti Aviation atawa panarbangan Susi Air matan Jawa Barat. Sampai pamulaan tahun 2012, Susi Air mauprasikan 50 pasawat lawan bamacam pariannya 32 Cessna Grand Caravan, 9 Pilatus PC-6 Porter dan 3 Piaggio P180 Avanti. Susi Air manggawiakan 136 panarbang, nang 90 urang diantaranya panarbang matan banua jauh.[3]

Rahatan sidin manjabat Mantri Kalautan wan Paiwakan, sidin dikatujui marga kabijakan sidin nang karas lawan panangkapan iwak kada rasmi. Ngaran sidin juwa takait lawan slugan "tanggalamakan (tenggelamkan)" nang maacu ka hukuman pananggalaman kapal-kapal ampun urang luar nang kada rasmi di laut Indunisia.[4] Gawian ngini hujungnya babuah hasil juwa marga jurnal Nature mamadahakan kabijakan karas ibu Susi mangurangi panangkapan kada rasmi kikira 25% wan bisa manambahi tangkapan sabanyak 14% duwa kauntungan kikira 12%.[5]

Masa halus wan pandidikan

[babak | babak asal-mulanya]

Susi diranakana pada 15 Januari 1965 di Pangandaran, Jawa Barat. Abah sidin bangaran Haji Ahmad Karlan wan umanya bangaran Hajjah Suwuh Lasminah, sidin badua matan Jawa Tengah, tagal hudah lima katurunan bagana di Pangandaran. Kaluwarga Susi baisi inguan wan dijual ka Jawa Barat. Kai buyut sidin adalah Haji Ireng, nang dipinandui ampun tanah di sakitaran situ. Imbah tuntung sakulah di SMP Negeri 1 Pangandaran, Susi batarus ka SMA Negeri 1 Yogyakarta, tagal ampih di kalas 2 marga dikaluarakan matan sakolah parihal umpat dalam garakan Golput.[3] Halian pada ngitu Susi juwa bapadah kada rasuk duwa sistim sakulah.

Imbah ampih sakulah, Susi manjual pahiasannya wan mangumpulakan mudal Rp.750.000 gasan jadi pamburung iwak di Pangandaran rahatan tahun 1983. Bisnis sidin batambah maju sampai di 1996 Susi baulah pabrik paulahan iwak PT ASI Pudjiastuti Marine Product lawan pruduk undasnya yaitu lobster nang dibari ngaran "Susi Brand." Bisnis ulahan iwak ngini batambah ganal ka Asia duwa Amerika. Marga parihal ngintu, susi mahandaki sarana transportasi udara nang kawa hancap maangkut pruduk laut nang masih sigar.[3]

  1. ^ Mantan Suami Menteri Susi: Saya Anggap Dia Putri Laut[permanent dead link][pranala nonaktif permanen]
  2. ^ [1]
  3. ^ a b c Sadikin, Rendy (2014-10-26). "Profil Menteri Kelautan dan Perikanan Susi Pudjiastuti". Tribunnews.com (dalam bahasa Indonesia). Diakses tanggal 2023-03-12. 
  4. ^ Istimewa. "Kocak! Kumpulan Meme Susi Tenggelamkan Kapal". detikfinance (dalam bahasa Indonesia). Diakses tanggal 2023-03-12. 
  5. ^ Cabral, Reniel B.; Mayorga, Juan; Clemence, Michaela; Lynham, John; Koeshendrajana, Sonny; Muawanah, Umi; Nugroho, Duto; Anna, Zuzy; Mira (2018-03-19). "Rapid and lasting gains from solving illegal fishing". Nature Ecology & Evolution (dalam bahasa Inggris). 2 (4): 650–658. doi:10.1038/s41559-018-0499-1. ISSN 2397-334X.