Capil ka isi

Sungai Seruyan

Tumatan Wikipidia Banjar, kindai pangatahuan

Sungai Seruyan (bahari ngarannya Sungai Pembuang) yaitu ngaran sungai nang malili di prupinsi Kalimantan Tangah, Indunisia.[1] Sungai ngini muasal banyunya di Mungkur Tikung (1175 m) di Pagunungan Schwaner, malili ampah ka pasisir salatan pulau Kalimantan wan bamuhara ka Laut Jawa.[2] Bagian timur sungai ngini tagasnya hutan labat sampai ka danau Sembuluh (Belajau) wan jadi habitat Orang utan. Pas malalui Kabupatin Seruyan, Sungai Pembuang jua disambat sabagai "Sungai Seruyan". Sungai ngini baisi panjang 350 km[3][4] wan kawa dilalui 300 km[5] malalui sapalih kuta, dalamnya kira-kira rarata 6 m wan libarnya rarata 300 m.

Hidrologi

[babak | babak asal-mulanya]

Sungai Seruyan marupakan sungai nang tautama dalam sistim dairah aliran sungai (DAS) Seruyan nang baisi luas sampai 13.300 km2 (5.100 sq mi) nang kulilingnya (perimeter) sampai 1.131 km (703 mi).[6]

DAS ngini bahalat langsung lawan DAS Kapuas di ampah utaranya atas DAS Seruyan. Di timur bahalatan lawan DAS Katingan (atasnya DAS Seruyan) wan DAS Mentaya lawan juwa sapalih DAS halus di ampah bawahnya DAS Seruuyan. Ampah barat bahalatan lawan DAS Kotawaringin mulai matan atas sampai ka tangah DAS Seruyan, imbahtu DAS Kumai wan sapalih DAS nang ukurannya halus sampai ampah ka bawah DAS Seruyan.[7][8]

Wayah maharagu dairah aliran sungai, DAS Seruyan tamasuk dalam wilayah gawian BPDAS Kahayan nang marupakan unit palaksana teknis di Ditjen PDASHL di bawah Kamantrian LHK.[9] DAS Seruyan marupakan bagian matan satuan wilayah sungai (WS) Seruyan lawan juwa DAS Perlu wan DAS Segintung. WS Seruyan bahalatan lawan WS Mentaya-Katingan di timur, lawan WS Jelai-Kendawangan di barat wan WS Kapuas di utara.[10]

Anak sungai

[babak | babak asal-mulanya]

Daptar anak sungai nang ada di DAS Seruyan, yaitu:[11]

Gasan majaga wan mamastiakan kuwalitas banyu di sungai Seruyan sakira aman dipakai lawan masarakat nang hidup di sapanjang sungai, Badan Lingkungan Hidup Kabupatin Seruyan rancak mamariksa kuwalitas banyu sungai saban dua sampai talu kali satahun di 39 titik nang bahambur di Kacamatan Seruyan Hilir, Seruyan Hilir Timur, Danau Sembuluh, Seruyan Raya, Danau Seluluk, Hanau, Batu Ampar, Seruyan Tengah wan Seruyan Hulu. Marga BLH Kabupatin Seruyan kada baisi laboratoriumnya saurang, sampel banyu dikirim ka laboratorium di Sampit, Kotawaringin Timur.[12]

Kabumian

[babak | babak asal-mulanya]
Panampilan sungai dari gambar satelit.

Sungai ngini malili matan wilayah salatan ka utara pulau Kalimantan nang iklimnya hutan hujan tropis (kode: Af manuruik klasifikasi iklim Köppen-Geiger).[13] Suhu rarata satahun adalah 24°C. Bulan paling panas adalah Nupimbir, lawan suhu rarata 26°C, wan suhu paling dingin di Pibuari, kikira 23 °C.[14] Curah hujan rarata tahunan adalah 3118 mm. Bulan lawan hujan pangganalnya adalah Disimbir, lawan rarata 491 mm, wan nang parandahnya Siptimbir, rarata 67 mm.[15]

Itihi juwa

[babak | babak asal-mulanya]

Jujuhutan

[babak | babak asal-mulanya]
  1. ↑ Sungai Pembuang at Geonames.org (cc-by); Last updated 2012-01-17; Database dump downloaded 2015-11-27
  2. ↑ H. D. Rijksen, E. Meijaard (1999). Our vanishing relative: the status of wild orang-utans at the close of the twentieth century. Springer. hlm. 212–3. ISBN 0-7923-5754-X.
  3. ↑ SeruyanKab.Go.Id. "Geografi Kabupaten Seruyan". SeruyanKab.Go.Id (dalam bahasa Indonesia). Diarsipkan dari versi asli tanggal 2023-08-10. Diakses tanggal 2023-10-11.
  4. ↑ "Badan Pusat Statistik". seruyankab.bps.go.id. Diakses tanggal 2023-10-11.
  5. ↑ Lampiran PERDA No.9 Tahun 2009 - Tataran Transportasi Lokal Kabupaten Seruyan
  6. ↑ "Peta Interaktif". WebGIS MenLHK (dalam bahasa Indonesia). Diarsipkan dari versi asli tanggal 2022-08-02. Diakses tanggal 2023-10-09.
  7. ↑ Hukum Online. "Keputusan Menteri Kehutanan No. SK.511/MENHUT-V/2011" (dalam bahasa Indonesia).
  8. ↑ "Peta Interaktif". WebGIS MenLHK (dalam bahasa Indonesia). Diarsipkan dari versi asli tanggal 2022-08-02. Diakses tanggal 2023-10-09.
  9. ↑ Hukum Online. "Keputusan Menteri Kehutanan No. SK.511/MENHUT-V/2011" (dalam bahasa Indonesia).
  10. ↑ "PerMenPUPR No.04/PRT/M/2015 - Kriteria dan Penetapan Wilayah Sungai". PERATURAN.GO.ID (dalam bahasa Indonesia). Diarsipkan dari versi asli tanggal 2023-08-24. Diakses tanggal 2026-01-01.
  11. ↑ "Badan Pusat Statistik". seruyankab.bps.go.id. Diakses tanggal 2023-10-11.
  12. ↑ Sungai Pembuang at Geonames.org (cc-by); Last updated 2012-01-17; Database dump downloaded 2015-11-27
  13. ↑ Peel, M C; Finlayson, B L; McMahon, T A (2007). "Updated world map of the Köppen-Geiger climate classification". Hydrology and Earth System Sciences. 11. doi:10.5194/hess-11-1633-2007.
  14. ↑ "NASA Earth Observations Data Set Index". NASA. 30 January 2016. Diarsipkan dari versi asli tanggal 2020-04-26. Diakses tanggal 2018-11-27.
  15. ↑ "NASA Earth Observations: Rainfall (1 month - TRMM)". NASA/Tropical Rainfall Monitoring Mission. 30 January 2016. Diarsipkan dari versi asli tanggal 2019-04-19. Diakses tanggal 2018-11-28.
Dijumput matan "https://bjn.wikipedia.org/w/index.php?title=Sungai_Seruyan&oldid=110588"