Sungai Mahakam
Sungai Mahakam marupakan salah satu sungai paling panjang di Indunisia. Sungai nang talatak di Kalimantan Timur ini membentang mulai Kabupaten Kutai Barat sampai Samarinda wan Kabupaten Kutai Kartanegara. Panjangnya mancapai 980 km manjadiakan sungai ini sabagai sungai tapanjang kadua di Indonesia.[1] Sungai Mahakam jua marupakan urat nadi kahidupan masyarakat sakitar. Sungai ini dipakai sabagai jalur transpotasi utama, tempat manangkap iwak, wan sumber air bagi warga. Banyak pamandangan indah di sakitar sungai, kaya hutan bakau, kampung tarapung, wan satwa khas kaya pesut Mahakam.Di sepanjang Sungai Mahakam, banyak tradisi wan budaya urang Banjar, Kutai, Dayak, wan suku lain nang tumbuh beiringan. Setiap tahun, di sungai ini jua diadakan acara adat wan pastipal budaya nang manarik minat banyak pangunjung.
Sajarah Sungai Mahakam
[babak | babak asal-mulanya]Dalam sajarah pangaranan 'mahakam' barasal mulai panyadarhanaan 'muara kaman' nangitu sabuah pusat wilayah Kerajaan Kutai Martadipura. Imbahnitu parsi lain mulai pangaranannya mulai dari kata 'maha' nang bararti ganal wan 'kama' nang bararti cinta. Bila dimaknai baimbaian bararti cinta yang ganal.[1]
Kagunaan Sungai Mahakam
[babak | babak asal-mulanya]Sungai Mahakam manyadiakan banyak kagunaan gasan masyarakat sabuting jua dari segi ekonomi. Sajak dahulu, Sungai Mahakam jadi sumber air, wadah mancari iwak, jua jalan parahu. Warga Kalimantan Timur jua makai Sungai Mahakam gasan mamanuhi kabutuhan sehari-hari, nang kaya mandi, minum, wan manyuci baju.[2]
Destinasi Wisata Sungai Mahakam
[babak | babak asal-mulanya]Pariwisata yang ditawarkan di Sungai Mahakam kada hanya kaindahan alam lawan flora fauna yang unik, tapi jua kabudayaan nang kantal dari masyarakat setempat.
Berikut ini beberapa rakumindasi wisata di Sungai Mahakam:
Susur Sungai Mahakam
Kaindahan Sungai Mahakam sudah memikat banyak urang sajak dahulu. Wahini, keelokannya kawa dinikmati wan kapal wisata nang manyusuri sungai. Tarifnya cukup tajangkau. Dilansir dari DISKOMINFO Kaltim (1/5/2023), harga tiket gasan panumpang urang tuha Rp 70 ribu, amunnya kakanakan umur 2-12 tahun Rp 35 ribu.[1]
Pastipal Sei Mahakam
Festival Sei Mahakam adalah Pastipal budaya tahunan paling ganal di intang Sungai Mahakam. Pastipal ini ditujukan supaya budaya Kalimantan Timur samakin kuat lawan dikanal. Di pastipal ini, banyak tarian sadarhana, maulah anyaman, makanan lawan minuman khas, wan mamacam kabudayaan Kalimantan Timur lainnya. Pastipal ngini kawa diumpati siapa haja. Malahan, dilansir dari National Geographic Id (17/11/2014), festival ini pernah didatangi 1.800 pengunjung di tahun itu.
Daptar Rujukan
[babak | babak asal-mulanya]- ^ a b c Zulfahmi, Najhan. "Susur Sungai Mahakam: Urat Nadi Kehidupan Masyarakat Kalimantan". detiksulsel (dalam bahasa Indonesia). Diakses tanggal 2025-03-08.
- ^ Kompas.com. "Sungai Mahakam di Kalimantan Timur: Sejarah, Kedalaman, Manfaat, dan Wisata Pesut".