Sungai Kumai
Sungai Kumai iyalah sungai nang malili di Kalimantan Tangah, Indonesia.[1]
Andakan
[babak | babak asal-mulanya]Sungai Kumai baisi muasal banyunya di pagunungan Schwaner wan malili ampah salatan sapanjang 179 kilometer (111 mi) ka Laut Jawa,[2] nang muharanya bangaran Taluk Kumai.[3] Taluk ngini bawahnya baluluk nang baik gasan mambuang sauh di kadalaman 4 hingga 6 fathom (24 hingga 36 ft; 7,3 hingga 11,0 m).[4] Sungai ngini kawa dilalui lawan kapal-kapal nang draft 2 meter (6 ft 7 in) sampai ka kampung Kumai di higa kanannya, 13 mil (21 km) datang muntung taluk, wan masih kawa tarus 15 mil (24 km) ampah hulu. Kadalaman sungai ngini di Kumai adalah 11 meter (36 ft).[5] Palabuhan Kumai baandakan di Kabupaten Kotawaringin Barat, 30 kilometer (19 mi) matan indung banuanya Pangkalan Bun, wan dipakai gasan mangirim minyak sawit nang dihasilkan gasan ka luar nagri.[6]
Ekologi
[babak | babak asal-mulanya]Tampungan banyu bamamacam sapanjang tahun, lawan tampungan paningginya sapanjang muson barat laut. Wayah tartantu satahun sungai ngini baluluk saikit. Sungai ngini masih tarasa masin sampai 37 kilometer (23 mi) mil) arah hulu. Alirannya hampir samunyaan taliwati hutan dataran randah tropis. Parak muhara sungai, tanaman pambanyaknya iyalah rumbia wan bakau.[3]
Hutan gambut nang baandak di salatan Sungai Kumai sawat karingan wan kamandahan wayah 1982-83 nang kajadian pulang di di tahun 1997-98. [7] Taman Tanjung Puting, nang sapalihnya iya hutan rawa gambut, tapandang jadi wadah bagana 4000 ikung urang utan. Taman ngini kawa didatangi matan Kumai mamakai sapitbut liwat Sungai Kumai wan imbah itu bapaling ka Sungai Sekonyer sampai ka Kem Leakey, nang 1,5 jam lawasnya bakapal. [8] Sungai Kumai salajur juwa jadi pahalatan utaranya Taman Tanjung Puting nang mana di luar pada nitu hutan hudah dibabat gasan ditanami sawit. [9]