Sungai Kamuning
| Sungai Kamuning Sungai Kemuning, Sungai Besar | |
|---|---|
 Sungai Kamuning | |
| Andakan | |
| Nagara | Indunisia |
| Region | Kuta Banjarbaru |
| Distrik | Sungai Besar |
| Ciri-ciri fisik | |
| Hulu sungai | RT 30 Kalurahan Sungai Ulin |
| - koordinat | 3°27′36″S 114°51′33″E / 3.4598972°LS 114.8591624°BT |
| Muhara sungai | Muhara |
| - andakan | Loktabat |
| Panjang | 15 km |
Sungai Kemuning iyala sungai di Banjarbaru Utara, Kuta Banjarbaru, Kalimantan Salatan.[1] Sungai ngini malili sapanjang 5 km matan Kalurahan Sungai Ulin sampai ka Kalurahan Kemuning[2] wan salajur bapungsi gasan saluran pambuangan banyu di Banjarbaru.[3]
Sajarah
[babak | babak asal-mulanya]Bahari, Sungai Kamuning iyalah sungai nang kada dihatiakan marga takalumbun lawan asing-asingnya padu ampun urang nang bagana di tabing sungai, lawan juwa ditumbuhi padang sabat. Ihwal ngini nang maulah dairah tabing sungai jadi kumuh atawa kada baik ditiring.[2]
Wayah 2016, Walikuta Banjarbaru H Nadjmi Adhani marasmiakan prugram paningkatan infrastruktur pamukiman kumuh Sungai Kamuning nang tailhami matan prugram di Kali Code, Yogyakarta. Prugram ngini diulah batahap-tahap. Tahap nang pamulaan, iya maulah sungainya bapungsi nurmal pulang. Tahap kadua iya maubah pamikiran masarakat ihwal tabing sungai wahini iya tungkaran muka rumah.[2][4]
Hidrologi
[babak | babak asal-mulanya]Jarak debit aliran sungai matan DAS Kemuning wayah 2018 iyalah 27,01; wayah 2019 iyalah 20,07; wayah 2020 iyalah 27,46; wayah 2021 iyalah 26,23 wan 2022 iyalah 23,72.[5]
Hulu banyu
[babak | babak asal-mulanya]Hulu Sungai Kamuning (nang disambat urang sana lawan ngaran 'Guntung') andakannya di dairah RT 30 Kalurahan Sungai Ulin, Kuta Banjarbaru batitik kurdinat -3.4598972 LS wan 114.8591624 BT.[2] DLH Kuta Banjarbaru mancatat ada 11 buting hulu banyu nang kudisinya baubah-ubah saban musim. Sabuting hulu banyu, tacatat luasnya ± 15 m2 lawan dalamnya kikira 7 m.[6]
Kualitas banyu sungai
[babak | babak asal-mulanya]Kualitas banyu Sungai Kemuning nang ada di kuta tamasuk rigat marga ratik. Tagal pulang, kualitas banyu di arah hulu tatap kada masuk standar kualitas kasihatan lingkungan wan bagian hilirnya hudah rigat banar lawan barataan ratik, tamasuk ratik matan kagiatan rumah tangga.
Dairah higa mahiga sungai
[babak | babak asal-mulanya]Bardasarkan SK Wali Kuta Banjarbaru, kawasan Sungai Kemuning nang masih kumuh luasnya 45,91 ha, lawan tamasuk dairah higa sungai.[7]
Baah
[babak | babak asal-mulanya]Rahatan 14 Januari 2021, tacatat banyu Sungai Kamuning limpas marga hujan samalaman di Kuta Banjarbaru. Banyunya handak sampai ka dada urang tuha nang maulah masarakat nang badiam di higa sungai diungsiakan. Imbahnya hitungan jam, surut pulang banyunya tagal isuk baisukan limpas pulang banyunya.[8]
Jujuhutan
[babak | babak asal-mulanya]- ↑ "KalselPedia - Ada Sebanyak 53 Sungai di Kota Banjarbaru, Berikut Rincian Nama Sungai dan Ukurannya". Banjarmasinpost.co.id (dalam bahasa Indonesia). Diakses tanggal 2024-12-29.
- 1 2 3 4 MTD, Ramadhani (2020-08-22). "Sungai Kemuning Banjarbaru : Antara Kali Code, Sejarah dan Mapala Piranha". Redaksi 8 (dalam bahasa Indonesia). Diakses tanggal 2026-06-14.
- ↑ Adlyatma, Randy (2013). "Studi Normalisasi Sungai Kemuning dalam Penanggulangan Banjir di Kota Banjarbaru Kalimantan Selatan". Jurnal Rekayasa Sipil. 1 (1): 37–48.
- ↑ Sandy (2020-08-23). "Air Dari 'Guntung' Mengalir Ke Sungai Kemuning - Habar Kalimantan". Habar Kalimantan (dalam bahasa Indonesia). Diakses tanggal 2026-06-14.
- ↑ Riduan, Rony; Perdana, Ade Brian; Abdi, Chairul; Khair, Riza Miftahul (2023-10-04). "PERKIRAAN DEBIT ALIRAN SUNGAI KEMUNING BANJARBARU MENGGUNAKAN PENGINDERAAN JAUH". Jukung (Jurnal Teknik Lingkungan) (dalam bahasa Indonesia). 9 (2). doi:10.20527/jukung.v9i2.17567. ISSN 2540-9131. Diarsipkan dari versi asli tanggal 2026-08-09. Diakses tanggal 2026-08-09.
- ↑ Arief (2023-06-08). "Maraknya Pembangunan, Ancam Kemurnian Mata Air Sungai Kemuning Banjarbaru". radarbanjarmasin.jawapos.com. Diakses tanggal 2026-06-14.
- ↑ Direktorat Pengembangan Kawasan Permukiman (2019-05-14). "Kota Banjarbaru Semakin Cantik dengan Semangat Baru". pu.go.id. Diakses tanggal 2026-06-14.
- ↑ Ghifari, Al; Rico (2021-01-13). "Was-was Sungai Kemuning di Banjarbaru, Sempat Surut Kini Kembali Meluap". Kanal Kalimantan (dalam bahasa Indonesia). Diakses tanggal 2026-06-14.