Sulaiman
.png)
Sulaiman ialah saurang tukuh jadi Nabi wan Rasul dalam Al-Qur'an, Alkitab, wan Tanakh. Inya ialah saurang raja, jua dikanal sawagai pambangun Bait Suci (Baitul Maqdis) panambaian. Ngaran Sulaiman rancak mancungul wan diraitakan dalam barbagai liginda, tatambaiannya tarait lawan hal-hal ajaib wan mistik. Tukuh ngini disambat dalam Yahudi wan Karistin ialah Salomo.
Ngaran Sulaiman baasal matan kuya salima-yaslamu nang baarti manyalamatakan, mandamaiakan, atawa mansajahtarakan. Matan kuya salima nang maumpati wazan isim tashgir fu'aylan jadi Sulaiman nang baisi arti urang nang mandamaiakan.
Salomo (שלמה) baasal matan kuya Shalom (שלם/שלום) nang baarti damai. Jadi, Salomo kawa diartiakan sawagai urang nang mambawa kadamaian. Salain ngitu, Salomo jua baisi ngaran lain, yaitu Yedidah nang baarti dicintai Tuhan.
Ngaran Sulaiman disambatakan dalam kitab suci Islam, Al-Qur'an, sabanyak tujuh balas kali[1] wan kisahnya disambatakan dalam surah Al-Baqarah/2: 102; Al-Anbiya/21: 78-82; An-Naml/27: 15-44; Saba/34: 12-14; wan Shad/38: 30-40. Dalam kitab suci Yahudi, Tanakh, wan kitab suci Karistin, Alkitab, Sulaiman (Salomo) disambatakan dalam 1 Raja-Raja (M'lakhim) 1-10, 2 Tawarikh (Divrei ha-Yamim): 1-9. Katarangan tarait Sulaiman jua tadapat dalam riwayat Hadits wan litaratur Rabinik.
Sulaiman marupakan saurang bangsa Israel matan urang Yehuda. Tanakh wan Alkitab manyambatakan, juriatnya ialah Sulaiman (Salomo) bin Dawud (Daud) bin Isai bin Obed bin Boas bin Salma bin Nahason bin Aminadab bin Ram bin Hezron bin Peres bin Yehuda bin Yakub (Ya'qub).[2]
Imbah mamasuki Palistina nang dipimpin Yusya bin Nun (Yosua bin Nun) Bani Israil mamasuki jaman kasukuan. Imbah Samuel manubatakan Thalut (Saul) sawagai raja, Bani Israil mamasuki jaman karajaan. Sapaninggal Thalut, kakuasaan diwarisakan lawan mintuhanya, Dawud (Daud). Sulaiman mawarisi tahta Karajaan Israel sapaninggal abahnya, Daud.[3][4][5][6]
Daptar Buku
[babak | babak asal-mulanya]- Ibnu Katsir (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. ISBN 978-602-6247-11-7.
Jujuhutan
[babak | babak asal-mulanya]- ↑ Ngaran Sulaiman disambatakan dalam surah-surah Al-Qur'an sabanyak tujuh balas kali, yaitu: Al-Baqarah/2: 102 (2 kali); An-Nisa'/4: 163; Al-An'am/6: 84; Al-Anbiya'/21: 78, 79, 81; An-Naml/27: 15, 16, 17, 18, 30, 36, 44; Saba'/34: 12; wan Shad/38: 30, 34
- ↑ "1 Tawarikh 2:1-15". Alkitab Sabda. Diakses tanggal 2026-03-17.
- ↑ An-Naml/27:16
- ↑ "1 Raja-raja 2:12". Alkitab Sabda. Diakses tanggal 2026-03-17.
- ↑ Katsir, Ibnu (2014). Kisah-Kisah Para Nabi. Terj. Muhammad Zaini. Surakarta: Insan Kamil Solo. hlm. 705. ISBN 978-602-6247-11-7.
- ↑ "TEMPLE OF SOLOMON - JewishEncyclopedia.com". www.jewishencyclopedia.com. Diakses tanggal 2026-03-17.