Soekardjo Wirjopranoto

Tumatan Wikipidia Banjar, kindai pangatahuan

Soekardjo Wirjopranoto (Lahir di Cilacap, Jawa Tengah,1930 - Habis umur di New York, 23 Oktober 1962). Sidin marupakan urang pargarakan pulitik di Indunisia. Sawat maambil pandidikan di Recht School, imbah itu manjadi pokrol di Raad van Justitie, Surabaya (1930). Dalam pargarakannya sidin pamulaan masuk Budi Utomo, imbah nitu masuk partai pulitik yaitu Parindra, lawan imbah kamardikaan sidin masuk PNI. Rahatan masa panjajahan Japang sidin manjadi pamimpin umum surat kabar Asia Raya, imbah nitu rahatan awal rupolusi sidin manjadi juru pandir nagara, imbah nitu manjadi anggota KNIP. Rahatan tahun 1947 baimbai lawan Ir. Pangeran Mohammad Noor, *Gusti Mayur, SH, duwa Djamaluddin *Adinegoro buhannya maulahan surat kabar mingguan Mimbar Indonesia di Jakarta. Lalu imbah itu tahun 1948 sidin mailangi Indonesia Timur dan manjadi palupur parsatuan kaum ripublik lawan kaum fidiral. Pas parak penyarahan kadaulatan babulik ka Jakarta sidin manjadi duta ganal RI gasan Vatikan. Imbah nitu tahun 1953 sidin manjadi kapala Direktorat Asia Pasifik di Kementerian Luar Negeri lawan manjadi duta ganal RI Luar Biasa lawan Bakuasa Pul gasan RRC duwa manjadi kapala Parwakilan Diplumatik gasan Ripublik Rakyat Mongolia. Rahatan tahun 1960 sidin diangkat sabagai wakil tatap RI di PBB. Baliau habis umur di New York dan jasad sidin dikuburakan di Taman Makam Pahlawan Kalibata, Jakarta.[1]

Rujukan[babak | babak asal-mulanya]

  1. ^ Shadily, Hassan (1984). Ensiklopedi Indonesia. Jakarta: Ichtiar Baru - Van Hoeve. hlm. 3933.