Sasagun

Sasagun marupakan kitihan nang dikikira matan Sumatera Utara. Makanan urang bahari naya dipinandui urang di banua Mandailing duwa Tobasa. Sasagun hudah ada wayah bahari lawan juwa dipinandui jadi ulih-ulih matan urang Batak. Kuitan bahari rancak manyariki kakakanakan wayah mamakan ngini sambil bapandir, marga pacangan tahamburan sagunnya takaluar matan muntung. ^[1]

Sasagun marupakan banda nang dibibit wayah bubuhan Batak bakunjang asing-asingnya nang digawi wayah tuntung musim mangatam. Parihal ngini marga bahan utama gasan maulah kitihan ngini mamakan galapung baras. Salaya nitu, Sasagun juwa jadi bahan sanguan wayah jaman baparang lawan juwa gasan tulak mandam.^[2] Wayah bahari, Sasagun dianggap jadi pangganti nasi wayah tulak bahari-hari ka banua urang.^[3]

Sasaun baisi nilai kahidupan matan tagasnya nang karantukalan bagumpal maulah rasa hanyar. Sama haja duwa kahidupan kulawarga nang asing-asingnya bajauhan, tatap ada sabuting rasa sapadingsanakan tagal tahalang jarak. Nang kaya itu pang arti kitihan ngini gasan urang Mandailing matan bahari.^[2]

Wayah ngini, banyak urang anum nang kada pati tahu lawan banda ngini. Sasagun hudah tapakalah duwa wadai mudirin.

Bahan duwa cara baulah

Sasagun diulah matan galapung baras, nyiur bakukur, gula habang lawan uyah. Galapung baras malambangakan hati nang barasih nang pacangan marikitakan hubungan padingsanakan dalam kaluarga urang Mandailing. Nyiur baisi makna nang maibaratakan bahuwa amun jadi nusia nitu musti mambari apuat gasan urang lain. Lamun gula habang nang manis duwa likat, bamakna bahuwa jadi urang nitu musti baapik-apik duwa padingsanakannya saurang. Lamun uyah, diibaratakan jadi huhuwas dalam hidup sapadingsanakan. Tagal, marga ada uyah ngini nang maulah hidup tarasa tanyaman.^[1]

Baras, tiba matan biginya ditumbuk imbah nitu disangrai.^[3] Galapung nang handak disangrai, tagasnya kada halus banar tagal masih kasar dikit. Imbahnya tuntung disangrai, Sasagun tadi dituang ka panyu atawa kartas minyak bakalir macam-macam.^[4]

Jujuhutan

1 2 Matondang, Akhiruddin (2020-03-13). "Sasagun, Makanan yang Kian Punah Ini Diusulkan jadi Warisan Budaya Mandailing". Beritahuta (dalam bahasa Indonesia). Diarsipkan dari versi asli tanggal 2024-11-10. Diakses tanggal 2024-10-16.
1 2 "Mencicipi Sasagun, Camilan Unik yang Hanya Ada di Sumatera Utara". merdeka.com (dalam bahasa Indonesia). 2020-05-05. Diakses tanggal 2024-10-16.
1 2 Gultom, Jones (2018-04-26). "Sasagun, Ransumnya para Perantau dari Tanah Batak". MedanBisnisDaily.com (dalam bahasa Indonesia). Diakses tanggal 2024-10-16.
↑ Hanani (2022-08-22). "Sasagun, Jajanan Jadul Dijual TP PKK Kabupaten Hulu Sungai Tengah di Pasar Murah Barabai". Banjarmasinpost.co.id (dalam bahasa Indonesia). Diakses tanggal 2024-10-16.

[:0-1] 1 2 Matondang, Akhiruddin (2020-03-13). "Sasagun, Makanan yang Kian Punah Ini Diusulkan jadi Warisan Budaya Mandailing". Beritahuta (dalam bahasa Indonesia). Diarsipkan dari versi asli tanggal 2024-11-10. Diakses tanggal 2024-10-16.

[:1-2] 1 2 "Mencicipi Sasagun, Camilan Unik yang Hanya Ada di Sumatera Utara". merdeka.com (dalam bahasa Indonesia). 2020-05-05. Diakses tanggal 2024-10-16.

[:2-3] 1 2 Gultom, Jones (2018-04-26). "Sasagun, Ransumnya para Perantau dari Tanah Batak". MedanBisnisDaily.com (dalam bahasa Indonesia). Diakses tanggal 2024-10-16.

[4] Hanani (2022-08-22). "Sasagun, Jajanan Jadul Dijual TP PKK Kabupaten Hulu Sungai Tengah di Pasar Murah Barabai". Banjarmasinpost.co.id (dalam bahasa Indonesia). Diakses tanggal 2024-10-16.

[1]

[2]

[3]

[4]