Sandung

Sandung atawa Sandong adalah wadah gasan manyimpan tulang urang nang sudah maninggal lawan sudah dilaksanakakan upacara Tiwah ulih Suku Dayak nang baagama Kaharingan di Kalimantan. Di babarapa daerah, Sandung dipinandui lawan ngaran lain yaitu Pambak.

Sandung kawa kita jumpai di babarapa dairah di Kalimantan Tangah nang masih kental lawan ajaran agama Kaharingan. Di babarapa lokasi, sandung manjadi barang langka, bahkan manjadi sasaran pancurian barang-barang sajarah.