Rumah palimbangan

Rumah Palimbangan itu salah satu jenis rumah Baajung, yaitu rumah tradisi Urang Banjar di Kalimantan Selatan. Di zaman Kasultanan Banjar, rumah macam ini dipakai gasan pangunian para tokoh agama Islam lawan para alim ulama. Palimbangan mengandung arti nang dalam di masa pamarintahan Kasultanan Banjar, yaitu sebagai bukti kuatnya agama Islam lawan penghormatan terhadap ulama di Kasultanan ini.

Ciri khas palimbangan

Anjung

.Asalnya, rumah Banjar ini kada bisi tambahan ruangan nang disambat Anjung. Tapi, ada jua sabagian Rumah Palimbangan nang wahini bisi Anjung. Kayak Rumah Palimbangan ampunnya Hj. Siti Hawa, warisan dari datunya, H. Seta, nang ada di Kalurahan Pasayangan, Kec. Martapura, Banjar. Di rumah Hj. Siti Hawa ini, bagian atas Anjung katutupan lawan atap palana nang bisi tambahan fitur Tawing Layar.Tawing Layar ini nyambung lawan bagian panutup atap emper muka lawan emper samping kanan lawan kiri, nang disebut Atap Sindang Langit.

Bangunan Induk

Masih merujuk ka rumah nang sabuting, bangunan inti makai atap palana, atau dalam bahasa Banjar disebut Atap Balai Laki. Atap itu manyungi area ruang tamu utama, yaitu Serambi Pamedangan. Sebagai tambahan, bangunan inti ini ukurannya jauh labih ganal dibanding rumah adat Banjar Balai Laki.

Surambi Sambutan

Rumah warisan dari H. Seta ini jua dilengkapi lawan area Surambi Sambutan nang ditopang oleh anam batang tihang.Tihang-tihang itu fungsinya manyangga area emper muka atau Karbil, nang ditutupi makai Atap Sindang Langit. Atap Sindang Langit ini terus nyambung ka emper bagian samping, yaitu emper kanan lawan kiri, nang ditopang lawan tihang-tihang tambahan.

Serambi Pamedangan

Serambi Pamedangan ini disebut teras. Teras ini ada pagar kaliling yang dibuat dari kayu. Urang Banjar mangarangi pagar kaliling ini Kandang Rasi. Agak masuk ka dalam, ada dinding di bagian muka yang dingarani Lawang Hadapan. Di bagian tangah tawing ini ada lawang utama nang dingarani Lawang Hadapan. Sebujurnya ada sabuting lawang lagi nang kawa kita tamui di rumah ini, yaitu Tawing Halat nang dua biji dan berada di sisi tangah tawing.

Tangga

Berdasarkan posisi tangga, ada dua macam pamacangan tangga pada rumah adat Suku Banjar, yaitu di hadapan lawan di samping.Tangga yang dipasang di hadapan biasanya diletakkan di tengah dengan jarak sisi kanan lawan kiri yang sama. Sedangkan tangga yang dipasang di sisi samping, posisinya wajib di sisi kiri. Aturan lain seputar tangga ini adalah jumlah anak tangganya harus ganjil.