Rumah Tjilik Riwut
Rumah Tjilik Riwut yatu sabuting bangunan basajarah nang baandak di Kuta Palangka Raya, Prupinsi Kalimantan Tangah, Indonesia. Luas lahan rumah ini sakira 1.403 mitir parsagi, wan ada dua bangunan utama, yatu bangunan utama wan sabuting paviliun. Rumah ini bagaya lawas, dibangun matan bata nang disusun mamanjang wan bahatap sirap matan ulin. Bantuknya mudah kaliatan di antara bangunan kantur-kantur hanyar di sakulilingnya. Damini, paviliun kada dipakai lagi, tagal bangunan utama masih diharagu lawan kaluarga Tjilik Riwut wan dipakai sabagai rumah makan.[1]
Rumah ini baisi arti nang banilai dalam sajarah pamarintahan Kalimantan Tangah. Imbah Kalimantan Tangah rasmi bapisah matan Kalimantan Selatan wayah tahun 1957, bangunan ini dipakai sabagai rumah jabatan Hubnur Kalimantan Tangah tumatan 1959. Rumah Tjilik Riwut suah manjadi wadah bagana rasmi dua hubnur panambaian prupinsi ini, yaitu Tjilik Riwut nang manjabat wayah tahun 1958–1967 wan Reinout Sylvanus nang manjabat wayah tahun 1967–1978. Adanya rumah ini manjadi tanda awal dibantuknya wan jalannya pamarintahan prupinsi Kalimantan Tangah.[2]
Bahan acuan
[babak | babak asal-mulanya]- ↑ "Rumah Tjilik Riwut, Cagar Budaya Di Palangka Raya Yang Masih Berdiri Kokoh". kontenkalteng.com. 2 Agustus 2021. Diakses tanggal 1 Uktubir 2025.
- ↑ "Mengenal 'Rumah Tjilik Riwut', Tempat Bersejarah Kediaman Dua Gubernur Kalteng". kaltengtoday.com. 2 Agustus 2021. Diakses tanggal 17 Disimbir 2025.
Tautan luar
[babak | babak asal-mulanya]- Cagar Budaya Rumah Tjilik Riwut di Kemendikdasmen.go.id
 | Artikal batupik bangunan wan struktur ngini sabuting rintisan. Pian kawa mangganii Wikipidia lawan cara mangambangakannya. |