Capil ka isi

Rumah Bangun Gudang

Tumatan Wikipidia Banjar, kindai pangatahuan

Bangun Gudang adalah sabuah rumah tradisional suku Banjar (rumah Banjar) di Kalimantan Selatan. [1] Rumah ngini kada diulah lawan sisi panjang sejajar jalan, tapi bacagat wan jalan. Atap rumah ngini biasanya pakai atap perisai wan serambi Pamedangan halus di tangah-tangah. Di bagian kiwa wan bagian kanan "serambi pamedangan" diubah gasan tawing muka kacuali bagian tangah yang tatap gasan serambi pamedangan halus nang dikapit di antara kadua tawing muka ngitu. Rumah Bangun Gudang bisi tiga lawang masuk, matan tangah, matan higa kiwa, wan matan higa kanan Pamedangan. Di rumah ngini kada baisi 4 buting tihang yang biasanya ada di pelataran rumah Banjar.

Tim Muskala Depdikbud Kalsel

[babak | babak asal-mulanya]

Ujar Tim Muskala Depdikbud Kalsel yang suah mengadakan penelitian rumah Bangun Gudang mamadahakan kalo ciri-cirinya:

  1. Atap bebentuk atap gajah (perisai)
  2. Tangga masuk matan muka
  3. Pamedangan halus
  4. Lawang masuk tiga buting
  5. Lawang masuk Tawing Halat dua buting

Sajarah bahan bangunan

[babak | babak asal-mulanya]

Proses maulah rumah Bangun Gudang ngini cukup ngalih wan mamakan banyak biaya, meingat rumah Banjar ngini diulah matan kayu ulin nang haraganya larang banar.[2]

Sajarah bahan pambangunan rumah Bangun Gudang nang didiriakan Haji Abdul Gani Kamar, biasanya mamakai bahan matan kayu ulin. Alasannya karana masarakat di dairah ngini sama kaya hampir di saluruh Kalimantan, pinandu wan jenis kayu ngini, sawagai bahan nang daya tahannya lumayan ganal tahadap pangaruh banyu wan kelembaban tanah. Salain ulin, di beberapa tempat Haji Abdul Gani Kamar mamakai bahan kayu cendana, galam, wan jenis kayu lain yang tasadia di lingkungan sakitar.[3]

Bahan bangunan dipilih kayu nang dianggap bisi kualitas baik, dipakai gasan bagian yang rancak terendam banyu, khususnya tawing/kolom bangunan, jadi rumah bangun gudang nang dibangun kawa tahan lama. Gasan tawing wan lantai biasanya mamakai papan kayu ulin. Sadangkan gasan bahan atap, mamakai atap sirap. Alasan mamakai atap ngini karana kabisaannya meredam panas matahari sahingga ruangan dalam rumah tatap tarasa sejuk. Dalam membangun rumah bangun gudang ngini, Haji Abdul Gani Kamar memperkirakan jua kebiasaan-kebiasaan waktu bersosialisasi.

Pambangunan pagar biasanya diulah pagar randah di beberapa sisi muka rumah. Gasan di higa kada dibari pagar karana di masa lalu hubungan dingsanak lawan jiran nang parak, sahingga antara sebuting rumah lawan nang lainnya kada dibari pembatas kaya pagar di higa. Hal ini jua talihat di kawasan Sungai Jingah, di mana rumah-rumah nang diulah di bawah tahun 1950 jarang baisi pagar pambatas, sementara rumah-rumah nang dibangun di atas tahun 1950-an biasanya mandiriakan pagar gasan menegaskan batas.[3]

  1. ^ "Account Suspended". journal.mbunivpress.or.id. Diarsipkan dari versi asli tanggal 2025-03-07. Diakses tanggal 2025-03-08. 
  2. ^ Arfianty, Desy; Studio, Aldiskatel (2018-01-13). "Tergerus Zaman, Ini Nasib 11 Jenis Rumah Adat Banjar". Kanal Kalimantan (dalam bahasa Indonesia). Diakses tanggal 2025-03-08. 
  3. ^ a b Sanusi, Didi G. (2019-09-27). "Menilik Rumah Bangun Gudang, Sisa Kejayaan Saudagar Sungai Jingah (4-Habis)". jejakrekam.com (dalam bahasa Indonesia). Diakses tanggal 2025-03-08. 

Pranala luar

[babak | babak asal-mulanya]