Rumah Baduy

rumah suku baduy

Rumah Adat Baduy adalah rumah adat nang andaknya di Banten. Rumah Baduy baisi prinsip nang liwar sadarhana, yaitu buhannya handak mandapatakan parlindungan lawan kanyamanan, nang dimana kampung Baduy nang andaknya di pagunungan mambada'i buhannya kawa mandapat sarangan dari binatang buas atawa gangguan bancana alam. Bubuhannya mandisain rumahnya sakira buhannya marasa nyaman lawan tarlindungi katia sadarhana. Rumah Adat Baduy barupa rumah panggung dangan manyasuaiakan kontur tanah lawan lahan nang ada. nang uniknya, buhannya jua memakai batu kali gasan meulah Rumah Adat Baduy supaya kada kana tanah rumbih.

Ruangan nang ada di rumah Baduy

Rumah Baduy ngitu baisi tiga ruangan dengan kagunaan nang belainan jua, yaitu Ruang Sosoro, Ruang Tepas, lawan Ruang Imah. Ruang Sosoro ngitu digunaakan bubuhan panduduk Suku Baduy gasan tamu nang bailang karumah panduduk suku Baduy. Amun ruang Tepas ngitu dipakai hagan tampat bamamakan lawan tampat kaguringan hagan kanakan. Sadangkan Ruang Imah ngitu dipakai hagan kaguringan kapala kaluarga lawan bininya. panduduk suku baduy guringnya kada betilam, malainkan baalaskan tilam wara.

Hatap lawan Pintu Rumah Baduy

Hatap rumah Baduy dingarani sulah nyanda nang baarti "pusisi binian nang tasandar imbah baranak". Pusisi manyandarnya kada cagat lurus, tatapi pina tarabah ka balakang. Amun lawang hagan masuk ka rumah baduy ngarannya Panto. hiasan lawangnya tarbuat dari anyaman dari bilah paring. amun sasunduk lawangnya diulah lawan cara meanui dua buting kayu nang ditarik atawa ditunjul dari bagian luar rumahnya. buhan panduduk suku baduy maukur ganalnya lawang lawan nyiru hagan manampi baras.