Rukun Haji
Rukun Haji ialah syarat wajib nang harus digawi wayah manggawi ibadah haji. Rukun haji ada anam, yiatu niat ihram, wukup, tawap, sai, tahalul, wan tartib. Rukun haji harus digawi, jaka ada salah sabuting kada digawi maka ibadah hajinya kada sah.[1]
Tartib ialah rukun haji nang tarakhir, baarti rukun haji harus digawi sacara baurutan, kada bulih balumpat-lumpat. Cuntuhnya, imbah manggawi tawap harusnya saurang jamaah haji manggawi sai, kada dibulihi jaka manggawi tahalul dahulu hanyar sai.[1]
Ihram baisi makna talarang atawa tacigah. Ihram ngini kada sakadar mamakai baju ihram nang saraba putih haja, tagal labih matan ngitu, sasaurang nang akan manggawi ibadah haji jua harus kawa mancigah matan baucap kasar, kawin, wan lainnya.[2]
Tawap ialah salah sabuting rukun haji nang barupa aktipitas mangalilingi Kakbah sabanyak 7 kali, 3 putaran nang tatambaian disaranakan babukah-bukah halus, jaka sisanya bajalan kaya rancak. Tawap dimula'i matan Hajar Aswad wan baahir lawan batu ngitu jua.[3]
Sai marupakan aktipitas dalam rukun haji nang barupa babukah-bukah halus di antara bukit Safa wan Marwa. Inti matan ibadah sai ialah sabuting panggagaian. Ibadah sai jua bantuk matan pangabdian prusis panggagaian banyu nang digawi ulih Siti Hajar di padang pasir gasan dirinya saurang wan anaknya, Ismail.[4]
Jujuhutan
[babak | babak asal-mulanya]- 1 2 Amhar, Fahmi, Harjanti, Arum (2007). Buku Pintar Calon Haji. Jakarta: Gema Insani. hlm. 125. ISBN 979-561-391-X. Periksa nilai: invalid character
|isbn=(bantuan). - ↑ "Fiqih Haji : Tata Cara Ihram - almanhaj.or.id". almanhaj.or.id (dalam bahasa Indonesia). Diarsipkan dari versi asli tanggal 2014-05-29. Diakses tanggal 2026-03-18.
- ↑ "TAWAF". www.dzikir.org (dalam bahasa Inggris). Diarsipkan dari versi asli tanggal 2014-05-29. Diakses tanggal 2026-03-18.
- ↑ "Sa'i Mencari |Republika Online". Republika Online (dalam bahasa Indonesia). Diakses tanggal 2026-03-18.