Ridwan

Ridwan ialah ngaran malaikat nang manjaga lawang surga, biar kadada katarangan dalam Al-Qur'an wan Hadits sahih nang manarangakan jalas gasan ngarannya. Takadang ngarannya diucapakan sawagai Risvan ulih Parsia, Urdu, Pashto, Tajik, Punjabi, Kashmir, wan basa lain nang tapangaruh ulih basa Parsia. Jaka di Parancis disambat sawagai Redouane. Wayahini, ngarannya dipakai sawagai ngaran maskulin ulih urang Arab atawa urang nang baagama Islam. Malaikat Ridwan rancak basamaan diraitakan lawan Malaikat Malik.

Hadits tarait Ridwan

Babarapa Hadits nang dijalasakan tarait ngaran malaikat ngini, tagal Hadits ngini ujar kabanyakan ulama ialah Hadits nang lamah banar wan kada kawa manguatakan banar, di antaranya:

• "... wan panjaga surga ialah saurang malaikat nang bangaran Ridwan sawagaimana datang nang jalas di dalam barbagai Hadits."
• "Kadada saurang Muslim jua nang mambaca Yasin wayahitu inya dalam kaadaan sakaratul maut, maka Malaikat Maut kada akan mancabut nyawanya sampai Ridwan, panjaga surga mambarii inya minuman."
• "Allah azza wa jalla bafirman, 'Wahai Ridwan, bukai lawang-lawang surga'."
• Lalu ulun bapandir (di dalam surga), "Uy Ridwan, ampun siapa istana ngini?"
• "Rabbul izzah tabaraka wa ta'ala mamanggil Ridwan, wan inya ialah panjaga surga."

Wayahitu hudah mangaluarakan Hadits sacara ditail tarait malaikat ngini di dalam kitabnya nang bajudul Asbaabun Nuzuul. Ulih karananya, isnad (pariwayat) Hadits ngini lamah banar, jua sapalih ulama mamasukakan Hadits ngini ka dalam kitab Al-Maudhuu'aat (Hadits-Hadits palsu), kaya Abul Hasan Ali bin Muhammad bin 'Iraaq Al-Kinaani dalam kitabnya, Tanziihu Asy-Syarii'ah Al-Marfuu'ah 'anil Akhbaar Asy-Syanii'ah Al-Maudhuu'ah (1/339).