RSJ Sambang Lihum

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

Rumah Sakit Jiwa (RSJ) Sambang Lihum wadah sagan manambai urang sarap, atawa gila, andakannya di Jalan Hubnur Syarkawi, Pal 17, Gambut, Kabupatin Banjar, Prupinsi Kalimantan Selatan[1].

Sajarah[babak | babak asal mulanya]

RSJ ni bamula ada tahun 1951, sabalumannya bangaran Koloni Orang Sakit Jiwa (KOSJ), wadah sagan manambai urang sarap atawa gila. Bahari, wadahnya muat sagan talung puluh ikung haja. Imbah Hubnur Kalimantan Selatan (Dr. Murjani) gawi sabumi lawan Inspektorat Kasihatan (Dr. Mursito), wadahnya diganali, lalu kawa muat sagan anam puluh ikung, tamasuk 2 rumah dinas 1953.

Tahun 1967, KOSJ baganti ngaran, jadi Rumah Sakit Jiwa Pusat Tamban (RSJPT), dipimpin langsung Diriktur Rumah Sakit Jiwa Banjarmasin. Imbah ada SK Menkes No. 135 / 78-SOTK, RSJPT jadi Rumah Sakit Jiwa Type C, 1978. Tahun 1991, RSJPT dipimpin Diriktur, marga SK No. 3385 / KANWIL / SK / TU-1 / XII / 1991, tanggal 31 Disimbir 1991. Tanggal 14 April 2000, wayah Otonomi Dairah, marga ada P3D, Pamarintah Prupinsi Kalimantan Selatan maunjuk RSJPT ka Pamarintah Kabupatin Barito Kuala. Tanggal 12 Disimbir 2000, UPT Depkes Batola, SK No. 1735 / Men. Kes. Sos / XI / 2000, tanggal 7 Maret 2000, maunjuk RSJPT ka Pamarintah Prupinsi Kalimantan Selatan.

Tanggal 1 Juli 2001, RSJPT sah jadi ampun Pamarintah Prupinsi Kalimantan Selatan, marga Perda No. 18 Tahun 2001. Imbah tu, Hubnur Kalimantan Selatan mamindah RSJPT ka Jalan Hubnur Syarkawi, Pal 17, Lingkar Utara, tanggal 7 Mai 2004 No. 440 / 0771 / Kesra – 2004. Tahun 2007, kaluar Surat Kaputusan Hubnur Kalimantan Selatan Numur: 188.44/ 0233/ Kum/ 2007, tanggal 19 Juni 2007, nang maubah ngaran RSJPT jadi RSJ Sambang Lihum.

Rujukan[babak | babak asal mulanya]