Putri salju

Wadai Putri Salju

Wadai putri salju marupakan wadai karing nang babantuk bulan sabit lawan di atasnya ditutupi gula halus nang kaya salju. Salain babantuk bulan sabit, wadai ngini ada nang babantuk bulat, lunjung, lawan bulat pipih. Wadai putri salju diulah matan adunan galapung gandum, galapung maizina, mantiga lawan kuning hintalu nang dipanggang di dalam panggangan sampai matang lawan di atasnya dilapisi lawan gula halus. Wadai ngini banyak dikatujui urang karana rasanya nang nyaman, gurih lawan dingin pas diigutt. Wadai putri salju mulai banyak dikriasikan lawan bamacam varian, salah sabutingnya varian rasa pandan. Wadai putri salju ngini jua biasanya manjadi hidangan khas pas hari raya, nangkaya hari raya pitrah, Natal, lawan tahun hanyar Cina. Wadai putri salju biasanya dijual dalam tuplis palastik di tuku ruti, tuku wadai,lawan pasar swalayan.

Wadai Putri Salju nang babantuk bulan sabit ngini dilapisi lawan gula halus sahingga tampak kaya tatutup salju. Asal-usul wadai ngini sabujurnya baasal matan Irupa, yaitu Austria, lawan ngaran asli Vanillekipferl. Wadai ngini kamudian manyabar ka barbagai nagara dan mangalami adaptasi sasuai salira lukal. Di Indonesia, wadai putri salju manjadi salah satu hidangan wajib wayah parayaan hari raya. Teksturnya nang lembut lawan mudah larut di dalam muntung maulahnya disukai banar ulih bamacam umur. Sairing bajalannya waktu, bamacam-macam rasa mulai mancungul, nang kaya putri salju kiju, cuklat, atawa pandan.

Sajarah Wadai Putri Salju

Wadai putri salju adalah wadai nang asalnya matan Austria lawan Jerman dan sangat pupulir disana. Di sana, wadai nang ranyah tapi lambut pas digigit ngini biasanya disajiakan wayah libur Natal. Kada tahu wayah apa kue Putri Salju mulai mancungul di Indunisia. Diparkiraakan wadai ngini sudah ada di Indunisia sudah lawas. Sairing bakambangnya zaman, wadai ngini kamungkinan dibawa jua ulih urang asing nang datang ka Indunisia gasan liburan. Wadai putri salju manjadi salah satu wadai nang paling tarkanal wayah itu lantaran rasanya nang nyaman.

Sama saparti nastar lawan kastangil, wadai nang manis ngini jua mangalami parubahan risip gasan manyasuaikan lidah masyarakat Indunisia. Ada kamungkinan wadai putih nang kita pinandui wahini labih parak lawan Austria. Karena bantuk dan rasa wadai nang ada di Irupa nintu mamiliki bantuk nang mirip lawan nang ada di Indunisia. Salah satu ciri khas nang manjadi kasamaan sajarah kue putri salju antara Austria lawan Indunisia kawa dilihat matan bantuk lawan rasanya saparti babantuk bulan sabit lawan rasa vanila lawan taburan gula halus. Samantara itu diyakini amun ngaran putri salju itu saurang diambil matan taburan gula halus nang manutup parmukaannya. Amun dilihat sakilas bujur-bujur mirip banar lawan permukaan nang ditutupi salju.

Cara Maulah Wadai Putri Salju

Bahan-bahan

1. 400 gram galapung gandum
2. 100 gram galapung maizina
3. 3 butir kuning hintalu
4. 300 gram mantiga
5. 40 gram susu bubuk
6. 150 gram kiju baparut
7. 120 gram gula halus
8. gula wadai dunat sacukupnya

Cara Maulah

1. Kucuk mantiga, gula halus, lawan kuning hintalu pakai mixer dangan kecapatan randah salawas dua menit.
2. Matikan mixer, lalu masukakan kiju parut kamudian aduk rata
3. Lalu, masukakan campuran galapung gandum, galapung maizina, lawan susu bubuk.
4. Aduk rata lawan wancuh sampai adunan pas
5. Cetak adunan sesuai kainginan, lalu atur di atas luyang nang sudah diulisi margarin atawa karatas ruti.
6. Panggang adunan putri salju lawan suhu 150 derajat C sampai matang, kurang labih 20 menit.
7. Andak wadai putri salju di atas gula dunat sacukupnya.
8. Imbah dingin dimasukakan ka dalam tuplis palastik.