Pulau Gaya
 Wadah pamukiman di dusun Pondo, higa timur pulau Gaya. | |
 | |
| Geografi | |
| Lokasi | Asia Tanggara |
| Koordinat | 6°16′17.62″N 115°59′30.56″E / 6.2715611°LU 115.9918222°BT |
| Kepulauan | Kapulauan Sunda Ganal |
| Luas | Citakan:Kotak info kepulauan/luas |
| Panjang | Citakan:Kotak info kepulauan/panjang |
| Lebar | Citakan:Kotak info kepulauan/panjang |
| Garis pantai | Citakan:Kotak info kepulauan/panjang |
| Titik tertinggi | Citakan:Kotak info kepulauan/panjang |
| Pemerintahan | |
| Negara | Malaysia |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Luas bagian | Citakan:Kotak info kepulauan/luas |
| Demografi | |
| Penduduk | Citakan:Rnd jiwa (2005) |
| Kepadatan | Citakan:Kotak info kepulauan/kepadatan |
| Kelompok etnis | Malayu |
Pulau Gaya dalah sabuting pulau halus di nagara bagian Sabah, Malaysia. Pulau ngini baandakan di subalah barat lapas pantai kuta Kinabalu, Sabah wan kawa ditulaki kikira 10 manit mamakai kalutuk matan kuta Kinabalu.[1]
Luas pulau ngini kikira 1,465 ha wan tamasuk ka dalam kawasan Taman Nasiunal Tunku Abdul Rahman. Pulau ngini adalah iya sabuting pulau nang dilindungi matan gawian nang marusak lingkungan, nangkaya pambalakan kada rasmi, panambangan barang tambang, sampai ka gawian manangkap iwak nang racak digawi bubuhan nelayan wan gawian lain nang dianggap marusak wan marigati lingkungan.
Panduduk
[babak | babak asal-mulanya]Kikira 6000 ikung nusia nang manganai pulau naya, kabanyakan buhannya bagana di dalam rumah nang dibangun khusus di atas banyu batihang nang manyangga rumah supaya tatap tagak di banyu laut. Panduduk di pulau ngini tardiri matan bacamam urang nangkaya Bajau, Ubian wan panduduk tiba Pilipin. Matan sabuting rumah ka rumah nang lain dihubungakan lawan papan-papan tipis lawan gaya tata ruang nang baciri di tiap dusun, tagal sunyaan mahadap ampah lautan, kada ampah ka pulau. Rumah urang diulah matan papan-papan kayu, jadinya racap dimakan api, nang maulah rancak kasalukutan.
Pulau ngini kawa dijanak langsung matan pantai kuta Kinabalu, tatiring deretan rumah matan urang pulau nitu nang kada tapi bungas ditiring marga kada tasimpun janak, mahirip lawan kawasan kumuh nang kurang inprastruktur wan kada baatur.
Pulau Gaya baisi dusun/kampung nang balainan budaya, susial wan ikunumi antara satu sama lain. Nangkaya dusun pulau Gaya, dusun Pasir Putih, Pondo, wan Lok Urai.
Transpurtasi
[babak | babak asal-mulanya]Transpurtasi utama gasan urang pulau Gaya ngini adalah parahu wan kelotok nang dipakai gasan mahubungakan buhannya ka tiap dusun wan juwa gasan tulak ka kuta Kinabalu baya gasan ka sakulah, baulanja sahari-hari, bagawi wan kaparluan lain.
Sajarah
[babak | babak asal-mulanya]Dukanu pulau ngini dijadiakan wadah batabun wan balindun matan buhan pambajak, juwa dipakai gasan wadah balabuh bacari bahan makanan wan banyu wan juwa wadah batabun gasan mahadapi pambaruntak di Sabah wayah tahun 1881.
Wayah 1897, Pulau Gaya disarang wan dibanam lawan bubuhan pambaruntak Mat Saleh.[1]
Wisata
[babak | babak asal-mulanya]Pulau ngini tamasuk ka dalam Taman Tunku Abdul Rachman, wan kawasan baharinya ada tahaga kapal-kapal nang karam nang wahini dijadiakan wadah urang banyalam.
Jujuhutan
[babak | babak asal-mulanya]- ^ a b Rutter, Owen (2017). Sejarah Kalimantan, British North Borneo: catatan tentang sejarah, sumberdaya dan suku-suku asli. Indoliterasi. hlm. 25. ISBN 9786026466389.