Pirak

Pirak

Pirak ialah unsur lugam nang banumur atum 47. Simbulnya ialah Ag, matan basa Latin argentium, matan akar PIE nang dirikunstruksi sawagai habuk, atawa basinar. Sabuting lugam transisi lunak, putih, ripliktipitas tatinggi di antara sabarataan lugam. Lugam ngini tajadi sacara alamiah dalam bantuk murni, bantuk bibas (pirak asli), sawagai paduan lawan amas wan lugam lain, wan dalam miniral kaya argintit wan klurargirit. Kabanyakan pirak dipruduksi di higa panambangan tambaga, amas, timah, wan sing.

Pirak hudah lawas dinilai sawagai lugam mulia. Labih malimpah matan amas, lugam pirak hudah bapungsi di banyak nang sistim munitir pra-mudirin sawagai spisi duit, takadang basamaan lawan amas. Kamurniannya rancak diukur barbasis ba-mil; paduan murni 94% dijalasakan sawagai "0,940 fine". Salain ngitu, pirak baisi barbagai aplikasi di luar mata duit, kaya lawan panil surya, panyaringan banyu, parhiasan, wan urnamin, paralatan makan wan parabutan banilai tinggi (cungul istilah silverware), wan jua sawagai inpistasi dalam bantuk duit wan buliun. Pirak dipakai industri dalam stup kuntak wan kunduktur listrik, lawan caramin husus, palapis jandila wan dalam katalisis riaksi kimia. Sanyawanya dipakai dalam pilim futugrafi wan sinar-X. Larutan pirak nitrat incir wan sanyawa pirak lainnya dipakai sawagai disinpiktan wan mikrubisida (ipik uligunamika), ditambahakan ka parban wan pambalut luka, katitir, wan paralatan madis lain.