Pentol (makanan)
Pentol (disambat jua lawan cembul atawa pênyol) ialah ngaran salah sabuting makanan atawa papuluran tradisiunal nang tiba matan Jawa Timur, kaya bakso nang baisi kandungan dagingnya labih sadikit. Takadang pentol taulah matan galapung kanji (nang rancak diulah jadi cilok).[1] Pentol diulah matan campuran daging atawa hayam nang digiling lawan galapung. Imbahnya diulah bulatan halus, hanyar dibumbui.[2] Adunan pentol ngitu dimasukakan jua ka dalam tahu basanga nang ngarannya tahu pentol. Pentol mirip haja lawan wadai nang lain, yaitu cimol. Bantukannya mirip banar sampai banyak urang nang mangira inya sama haja. Pentol banyak dijual ulih padagang batis lima atawa padagang kaliling lain. Pentol jarang dijual di warung atawa rumah makan lainnya.[3] Bubuhan padagang rancak manjualnya mamakai garubak, mutur, atawa sapida, wan jua lawan bajalan batis tagantung kabaradaan panukarnya. Bubuhan padagang pentol banyak ditamui di wilayah sakulah, pabrik, kantur, universitas, wan tampat-tampat karamian. Pentol jua banyak ditamui di Jawa Timur, Jawa Tengah, Yogyakarta, Jakarta, Kalimantan, wan Sumatera.[4]
Pentol rancak dijual par biji lawan harga nang sasuai kantung saurang nang mula'i matan 200 rupiah par biji sampai saribu rupiah tagantung ukuran wan isi pentol.[4] Makannya kawa dicampur lawan sambal, saus kacang atawa saus tomat, wan kicap.
Pariasi Pentol
[babak | babak asal-mulanya]Pentol baisi pariasi saurang, di antaranya:[4][5][6]
- Pentol kanji;
- Pentol bakso[7];
- Pentol bakar;
- Pentol jamur;
- Pentol hayam
- Pentol mi;
- Pentol udang;
- Pentol iwak;
- Pentol hintalu puyuh;
- Pentol isi gajih;
- Pentol tahu;
- Pentol siomay;
- Pentol kriwil[8];
- Pentol corah[9];
- Pentol tekwan;
- Pentol urat;
- Pentol hintalu basanga;
- Pentol basanga; wan jua
- Pentol padas nang disambat pentol mercon.[10][11]
Pambida Pentol, Cimol, wan Cilok
[babak | babak asal-mulanya]Supaya kada salah ada parbidaan, pentol luarnya karas maraga ada campuran daging di dalamnya. Tagal, cimol lawan cilok diulah matan kanji, banyu lawan panyaman rasa. Imbah ngitu diulah bulat-bulat.[12] Amun disanga ngarannya cimol, wan amun disumap ngarannya cilok. Gasan tiksturnya cimol tarapai, danul dalamnya kanyal wayah dimakan. Amun cilok tiksturnya lincar lawan kada karas. Rancak cilok ngini baisi kiju, daging cincang, atawa daging barabuk.[13]
Jujuhutan
[babak | babak asal-mulanya]- ↑ "Resep Pentol Empuk dan Kenyal, Lengkap dengan 5 Variasi Rasanya yang Lezat". liputan6.com (dalam bahasa Indonesia). 2025-02-10. Diarsipkan dari versi asli tanggal 2025-04-28. Diakses tanggal 2026-03-15.
- ↑ "7 Resep dan Cara Membuat Pentol Bakso". Royco. Diakses tanggal 2026-03-15.[permanent dead link]
- ↑ "Resep Pentol Ayam Gurih Kenyal, Bikin Nagih Banget!". www.sasa.co.id (dalam bahasa Inggris). Diakses tanggal 2026-03-15.
- 1 2 3 "10 Resep Pentol yang Enak dan Mudah Dibuat di Rumah". www.orami.co.id (dalam bahasa Indonesia). 2020-12-14. Diakses tanggal 2026-03-15.
- ↑ "Resep pentol ekonomis rumahan enak dan mudah". Cookpad (dalam bahasa Indonesia). Diakses tanggal 2026-03-15.
- ↑ "13 Resep olahan pentol, lezat, sederhana, dan menggugah selera". briliofood.net (dalam bahasa Inggris). 2022-06-02. Diakses tanggal 2026-03-15.
- ↑ "Apa itu Pentol Bakso? Ini Dia Resepnya untuk Ide Jualan". fimela.com (dalam bahasa Indonesia). 2022-09-21. Diakses tanggal 2026-03-15.
- ↑ "Resep pentol kenyal dan gurih mudah dibuat dirumah". Cookpad (dalam bahasa Indonesia). Diakses tanggal 2026-03-15.
- ↑ "Resep pentol jawa timur rumahan enak dan mudah". Cookpad (dalam bahasa Indonesia). Diakses tanggal 2026-03-15.
- ↑ "Resep Pentol Cilok Mercon, Pedasnya Nikmat Bikin Nagih". KOMPAS.com (dalam bahasa Indonesia). 2020-12-13. Diakses tanggal 2026-03-15.
- ↑ "Resep Pentol Mercon dan Bumbu Pentol Praktis". royco (dalam bahasa Indonesia). Diarsipkan dari versi asli tanggal 2025-12-14. Diakses tanggal 2026-03-15.
- ↑ "Ini Resep Pentol Kenyal nan Gurih yang Mudah Dibuat". halodoc (dalam bahasa Indonesia). Diakses tanggal 2026-03-15.
- ↑ "Bentuk Mirip, Tapi Jangan Keliru Mengenali Pentol, Cimol dan Cilok". Suarajatim.id (dalam bahasa Indonesia). Diakses tanggal 2026-03-15.