Capil ka isi

Pasar Batuah Martapura

Tumatan Wikipidia Banjar, kindai pangatahuan
Pasar Tradisiuanal Batuah Martapura di Kabupatin Banjar, Kalimantan Salatan

Pasar Batuah Martapura adalah sabuah pasar tradisiunal nang baandak di Martapura, Kabupatin Banjar, Prupinsi Kalimantan Selatan, Indunisia. Pasar ngini dianggap sabagai pusat padagangan barang atawa banda-banda kaparluan sahari-hari wan jua pruduk-pruduk has Kalimantan Salatan. Pasar Batuah baisi sajarah panjang wan jadi salah sabuting tujuan ikunumi nang panting gasan warga sakitar. Pasar Batuah idintik lawan kaaripan lukal wan tradisi tawar-manawar nang jadi ciri hasnya.[1][2]

Sajarah wan Kaadan Wayah ini

[babak | babak asal-mulanya]

Pasar Batuah Martapura sudah bajalan matan tahun 1950 wan sudah jadi wadah utama padagangan di Kabupatin Banjar.[3]

Sabaluman pandimi Covid-19 tahun 2020, pasar ngini baisi sakitar 776 tuku kunpiksi pakaian, imbah itu jumlahnya baturun tarus sampai tasisa 596 aja nang aktip, wan sakitar 200 tuku lainnya tutup akibat babagai macam alasan.[2][1]

Pasar Batuah baandak di pusat kuta Martapura, ibu kuta Kabupatin Banjar, sekitar 45 kilumitir arah salatan Banjarmasin. Pasar ngini kawa didatangi pakai kandaraan paribadi wan taksi. Barang-barang nang dijual di Pasar Batuah ada baanika macam, utamanya pruduk kunpiksi pakaian. Matan tahun 2020, nang bajualan lawan yang manukar di pasar ngini mula bakurang maraga Covid-19 wan banjir.[1][4][5]

Pasar Batuah baisi jasa nang ganal dalam paikunumian warga Kabupatin Banjar sabagai pusat padagangan. Salain ngitu, pasar ngini jua jadi wadah palastarian budaya, wadah jual beli digawi pakai akad sasuai wan hukum Islam, manandai nilai agamis urang Martapura.[2]

  1. 1 2 3 Katajari.Com (2023-09-25). "Pasar Online Merajalela, Pasar Batuah Martapura Tetap Bertahan Dengan Kearifan Lokal". Katajari.com (dalam bahasa Indonesia). Diakses tanggal 2025-04-06.
  2. 1 2 3 Banjar, Koran (2023-09-25). "Pasar Martapura Bertahan Dengan Kearifan Lokal". koranbanjar.NET (dalam bahasa Indonesia). Diakses tanggal 2025-04-06.
  3. ↑ "Pasar Martapura – Meratus Geopark". meratusgeopark.org. Diakses tanggal 2025-04-06.
  4. ↑ "InfoPublik - Pasar Martapura Terendam Banjir, Aktivitas Perdagangan Tutup Total". infopublik.id (dalam bahasa Indonesia). Diakses tanggal 2025-04-06.
  5. ↑ "Pedagang Pasar Martapura Sudah Divaksin 50 Persen". Banua TV (dalam bahasa Indonesia). 2021-10-23. Diakses tanggal 2025-04-06.
Dijumput matan "https://bjn.wikipedia.org/w/index.php?title=Pasar_Batuah_Martapura&oldid=102470"