Pasantrin
Pasantrin ialah salah sabuting sakulah Islam tradisiunal nang baasrama di Indunisia. Pasantrin ngini rancak batampat di rumah saurang, punduk, atawa masigit. Pangajaran di pasantrin mangaji kitab-kitab Islam klasik wan pamikiran santri, nang diajarakan ulih guru-huru nang disambat kiai.[1] Ujar tradisi papulir, sistim pandidikan pasantrin baasal matan pundukan tradisiunal Jawa: asrama, ashram gasan Hindu, atawa wihara gasan Buddha tampat balajar filsafat agama, bila diri, wan maditasi. Lambaga samirip jua ditamui di sabarataan dunia Islam wan disambat punduk di Malaysia, Thailand Salatan, jua madrasah di Hindia, Pakistan, wan sapalih di dunia Arab. Pasantrin ngini batujuan gasan mandalami pangatahuan Al-Qur'an, tatambaian liwat studi basa Arab, tradisi tapsir, Hadits Nabi, hukum, wan lugika. Istilah pasantrin baasal kuya santri (siswa), yaitu pa-santri-n atawa tampat bubuhan santri.[2]
Pasantrin hudah jadi paran panting di Indunisia salawas baabat-abat sawagai lambaga susial. Bubuhannya manakanakan nilai-nilai inti kaya kajujuran, kasadarhanaan, utunumi individu, basamaan, wan pangandalian saurang. Urang anum lalakian wan bibinian dipisahakan matan kulawarga bubuhannya, nang bakuntribusi lawan rasa kumitmin individu jua agama wan ikatan nang kuat lawan guru.[1][3]
Jujuhutan
[babak | babak asal-mulanya]- 1 2 Dhofier, Zamakhsyari. "The Pesantren Tradition: A Study of the Role of the Kyai in the Maintenance of the Traditional Ideology of Islam in Java Tempe" Arizona State University Program for Southeast Asian Studies Monograph Series. hlm. xxvii.
- ↑ Ronald Lukens-Bull. 2005. A Peaceful Jihad: Negotiating Identity and Modernity in Muslim Java. New York: Palgrave Macmillan
- ↑ Vickers, Adrian (2005). A history of modern Indonesia. Internet Archive. Cambridge, U.K. ; New York : Cambridge University Press. ISBN 978-0-521-83493-3.