Pasah patahu

Miniatur Pasah Patahu nang ada di Rumah Betang Hapakat, Kuta Palangka Raya.

Pasah Patahu marupakan sabuting bangunan halus mirip rumah nang jadi wadah ritual atawa sasambahan gasan urang agama Kaharingan di Prupinsi Kalimantan Tangah, utamanya suku Dayak Ngaju wan suku Dayak sakulilingnya. Pasah Patahu ngini rajin banyak kalir kuningnya wan di sakulilingnya tadapat bandira atawa kain nang kabanyakan bakalir kuning.

Bangunan ngini disinghaja diulah hagan jadi wadah bagana babuhan urang halus. Di dalam pasah patahu ada sasaji nang batujuan hagan mambari makan babuhan urang halus. Urang halus ngintu disinghajakan diulah wadah khusus sakira umpat manjaga kampung atawa wilayah sakulilingnya salamatan matan sabarataan bahaya nang maancam, baik bahaya matan luar maupun matan dalam. Pasah patahu ngini dipakai sawagai parantara hagan mamanjatakan doa atawa bahajat. Di dalam pasah patahu ada batu, butul nang diparcaya kawa batambah wan bakurang jumlahnya wan rancak disambat batu panjalmaan matan ruh halus.

Cara Mangiyau Ruh Halus

Cara mangiyau urang halus nang diparcaya sawagai panjaga kampung ngintu, yaitu manangii di Pasah Kamanthuhu lawan niat manyampaikan doa atawa hajat sarta manyadiakan sasaji barupa banyu fanta habang, banyu daun sirih nang dikapuri, wan banyu tapai lakatan nang dudinya disimpan di sakitaran Pasah Kamanthuhu. Biar kada kalihatan mata, urang disini marasakan kabaradaan urang halus dari Pasah Kamanthuhu nang lagi manjaga kampung, salah satunya dikabulkannya kahandak urang nang datang ke Pasah Kamantuhu.