Pambantaian Yahukimo (2025)

Pambantaian Yahukimo (2025)
https://id.wikipedia.org/wiki/Berkas:Evakuasi_korban_yahukimo_2025.jpg Evakuasi korban Yahukimo
Tanggal 6–8 April 2025 Lukasi Distrik Suntamon, Kabupaten Yahukimo, Papua Pegunungan, Indonesia Hasil

Panyarangan KKB di Yahukimo 2025 adalah sarangan basanjata nang dilakukan ulih Kalumpuk Kriminal Bersenjata (KKB) lawan para panambang amas di Kabupatin Yahukimo, Papua Pagunungan, matan 6 April 2025. Serangan ngini manyababakan 11 urang mati wan dua lainnya ditangkap. Paristiwa ngini tarjadi matan di wadah nang itu ialah lokasi 22 lawan Muara Kum saat urang lagi asik manambang amas. Sarangan nang tarjadi tikas Ahad, 6 April 2025 ngini ditangguh dipaulah ulih KKB Yahukimo nang dikapalai ulih Elkius Kobak.

Asal Mula Kajadian

Kagiatan panambangan amas manual di Yahukimo sudah jadi sumber panambaian banar gasan banyak urang nang badiam disitu. Kagiatan ini rancak banar digawi kada baizin bujur-bujur sahingga kawa dianggap sabagai tambang ilegal. Maskipun kaya itu, karna tingkat kanyamanan hidup masyarat daerah nitu sangat tagapit mau kada mau tapaksa bagantung juga lawan kagiatan panambangan ngisi.

KKB atawa nang banyak dikatahaui urang sabagai Tentara Pembebasan Nasional Papua Barat (TPNPB), aktif di barbagai wilayah Papua, tamasuk jua Yahukimo. Kalumpuk ngini sacara tabuka kd mau manurut lawan kabaradaan pamarintah Indonesia di Papua lawan wani maakaui bahwa inya ni mamparjuangkan kamardikaan wilayah ngitu. Buhannya ngini malakukan sarangan terhadap aparat ka'amanan lawan urang sipil, nang buhannya fitnah sabagai bahagian matan upaya militer Indunisia. Manurut buhan KKB, para pandulang amas ngini ialah sasuruhan intelijen militer Indunidia nang manyamar sabagai urang sipil. Fitnah ngitu jadi alasan buhannya malakukan kekerasan tarhadap para pandulang. Lamun, aparat ka'amanan mambantah fitnah ngini lawan managaskan bahwasanya para kurban ngitu kada lain ialah urang sipil nang bausaha mancari nafkah.