Pamakai:Arcuscloud
Arcuscloud 
Uy! Ulun Arcuscloud, urang nang katuju mambabak di Pruyik Wikimedia Banjar.
Salam bapinanduan!
[babak | babak asal-mulanya]Uy kakawanan salam bapinanduan, Ulun Arcuscloud marupakan panyumbang matan tahun 2019, awal mula Ulun taumpat di Wikimidia imbah umpat palatihan nang diadakan di Banjarmasin, matan situ Ulun mulai rancak mambabak, awal-awal di Wikipidia Banjar lawan manarjamahakan artikal di basa Indunisia ka basa Banjar, imbah ngitu balajar di pruyik-pruyik lain nang kaya Wikidata, Wikikamus, Commons, Wikipapadah, wan lainnya. Tupik nang Ulun tambahi bamacam sasuai lawan pruyiknya, nang kaya di Wikidata, Ulun manambahi data-data pulau halus wan leksem basa Banjar, di WikiKamus, Ulun manambahi kata-kata basa Banjar wan basa Walanda.
Ulun mambabak di pruyik-pruyik Wikimidia maraga Ulun katuju, lamun tahu sabuting hiwal kawa maandaknya di pruyik Wiki, salihan lawan mambabak di Wikipidia, Ulun kawa salajur balajar jua, takananya pas mambabak pusing, kangalihan mancari jujuhutan, pusing manguding, takananya pusing jua manjanaki tulisan talalu banyak, tagal maraga ngitu jua, Ulun tadapat kamampuan-kamampuan nang sabalumnya kada suah manyangka Ulun bisa, Ulun jua banyak tadapat kakawanan nang katuju mambabak di pruyik-pruyik Wiki.
Hidup Ulun kada sahibaknya jua di Wiki, Ulun ada jua hauran di dunia bujur nang kaya gawian, kadang kada tagatuk lagi wiki, tagal lamun Ulun pina ada wayah kusung, Ulun ka pruyik wiki, walau kadang kada mambabak, sahibar mambaca-baca haja, takananya jua ada wayah nang mana gatal tangan gasan mambuka wiki, imbah tu mangatik apa nang kawa dikatik, manulis sahikit-sahikit, sampai kada karasaan jadi tulisan nang panjang, imbah ngitu diandak ay ka wiki.
Kahandak babakan di wayah nang dihadap
[babak | babak asal-mulanya]
Sajauh ngini banyak kahandak babakan di Wikipidia Banjar, tagal nang panambaian nang handak Ulun gawi adalah manambahi wan mangambangakan artikal-artikal Kaji masarakat. Harapan Ulun nang dihadapi, kawa manambahi artikal-artikal nang lain, khususnya hiwal nang Ulun katujui, nang kaya janis-janis awan, kaji bumi, kaji budaya, wan lain-lain.
