Pakan Kahayan
 Bagian muka Pakan Kahayan | |
| Andakan | Kuta Palangka Raya, Kalimantan Tangah |
|---|---|
| Alamat | Jalan Cilik Riwut KM 2, Kuta Palangka Raya |
| Dibuka | 2009 |
| Manajemen | Pamarintah Kuta Palangka Raya |
Pakan Kahayan adalah ngaran Pakan tradisiunal nang baandakan di Jalan Cilik Riwut KM 2, Kuta Palangka Raya, Kalimantan Tangah.
Pakan Kahayan dirasmiakan wayah 2009 wan dibangun ulih Pamarintah Kuta Palangka Raya nang banilai Rp 20.751.246.000 lawan bapinjaman matan Bank Dunia malalui prugram Urban Sector Development Reform Project.[1]
Pakan Kahayan iya tamasuk pakan nang diintervensi BBPOM di Palangka Raya mulai tahun 2014, lawan jadi nominator Pakan Parcontohan Pakan Aman matan Bahan Bahaya.[2]
Sajarah
[babak | babak asal-mulanya]Rahatan tahun 1980, Pakan Kahayan didiriakan ulih Pemkot nang statusnya Pakan Inpres.
Tagal, di tahun 2005[3] duwa 2006 tarjadi musibah kamandahan nang marusak banyak toko nang buka. Lalu Bubuhan Pamarintah Kuta Palangka Raya mamulaiakan pambangunan Pakan Kahayan Tradisiunal Modern wayah tahun 2008. Tujuannya gasan mambarii wadah hanyar gasan padagang nang sabalumnya bajualan di Pakan wan tokonya gusang. Tagal juwa, sasain waktu bajalan, Pakan Kahayan Tradisiunal Modern kada muat lagi manampung kapasitas urang nang batatukar duwa sabarataan padagang nang takana musibah tadi tih.[4]
Buhan Pamarintah Kuta Palangka Raya imbahtu baidabul parihal pambangunan baasa, nang matan sini cungul konsep Pakan Kahayan Baru. Konsep ngini manggabungakan konsep Pakan modern wan Pakan tradisiunal nang maulah kompleks Pakan nang taganal wan tabanyakguna. Tujuan utamanya iya tatap gasan wadah baulanja kaparluan masarakat higa mahiga, pahadangan maulah pusat badagang gasan kuta Palangka Raya.[5]
Salaya nitu, di tahun 2019, Buhan Pamarintah Kuta Palangka Raya malalui Dinas Parindustrian wan Pardagangan Kuta Palangka Raya juwa maanggarakan Rp1,4 miliar gasan mambaiki, lawan juwa manatai infrastruktur duwa pasilitas di Pakan Kahayan.[6]
Rahatan tahun 2022, Pakan Kahayan ditatapakan jadi wilayah nang batransaksinya Wagas, Inovatif lawan Aman mamakai Quick Response Code Indonesian Standard atawa SIAP QRIS.[7]
Imbahlalu di 2025, Buhan Pamarintah Kuta Palangka Raya malalui Dinas Pardagangan, Kuprasi, Usaha Halus, wan Industri (DPKUKMP) maulah kajian gasan maulah Pakan Kahayan jadi Pakan modern masa dihadap. Pakan Kahayan pacangan baisi bagian nang bajualan barang basah wan karing. Pakan basah pacangan manjual kaya daging, iwak, lalap, wan buah. Amun Pakan karing gasan barang tahan lawas nangkaya baju, bumbu karing, sampai elektronik.[8]
Pasilitas
[babak | babak asal-mulanya]Pasilitas nang ada di Pakan Kahayan adalah wadah baulanja, wadah parkir, gardu kaamanan, kakus, kantur UPT, langgar wan layanan kabarsihan.[9]
Jujuhutan
[babak | babak asal-mulanya]- ↑ Sirait, Mahmuddin; Anam, M. Syaeful (2024). "Kebijakan Pemerintah Kota Palangka Raya Dalam Pengelolaan Pasar Kahayan". Jurnal Ilmiah Muqoddimah. 8 (1): 8–10.
- ↑ BBPOM di Palangka Raya (25-01-2019). "Verifikasi Lapangan Lomba Pasar Aman di Pasar Kahayan Kota Palangka Raya". Badan Pengawas Obat dan Makanan Indonesia. Diakses tanggal 30-09-2025.
- ↑ Liputan6.com (2005-07-27). "Pasar Kahayan Terbakar". liputan6.com (dalam bahasa Indonesia). Diakses tanggal 2025-09-30.
- ↑ Sirait, Mahmuddin; Anam, M. Syaeful (2024). "Kebijakan Pemerintah Kota Palangka Raya Dalam Pengelolaan Pasar Kahayan". Jurnal Ilmiah Muqoddimah. 8 (1): 8–10.
- ↑ Sirait, Mahmuddin; Anam, M. Syaeful (2024). "Kebijakan Pemerintah Kota Palangka Raya Dalam Pengelolaan Pasar Kahayan". Jurnal Ilmiah Muqoddimah. 8 (1): 8–10.
- ↑ Sirait, Mahmuddin; Anam, M. Syaeful (2024). "Kebijakan Pemerintah Kota Palangka Raya Dalam Pengelolaan Pasar Kahayan". Jurnal Ilmiah Muqoddimah. 8 (1): 8–10.
- ↑ "InfoPublik - Pasar Kahayan di Palangka Raya Ditetapkan sebagai Wilayah Transaksi Digital". infopublik.id (dalam bahasa Indonesia). Diakses tanggal 2025-06-26.
- ↑ Sari, Sabella Indah (2025-06-23). "Pemko Siapkan Pasar Kahayan Jadi Pasar Modern". RRI. Diakses tanggal 2025-06-26.
- ↑ Sirait, Mahmuddin; Anam, M. Syaeful (2024). "Kebijakan Pemerintah Kota Palangka Raya Dalam Pengelolaan Pasar Kahayan". Jurnal Ilmiah Muqoddimah. 8 (1): 8–10.