Nagara Daha
Nagara Daha yatu karajaan Hindu panarus Nagara Dipa nang cungul dalam Hikayat Banjar. Andakkannya di wilayah nang wayahni jadi Kabupaten Hulu Sungai Salatan, Prupinsi Kalimantan Salatan, Indunisia.
Panambayan badiri
[babak | babak asal-mulanya]Sabalum tabantuknya karajaan-karajaan di Kalimantan Salatan, masyarakat masih dikumpulakan badasarkan wilayah aliran sungai. Imbah ngitu, diualahkan satu kasatuan politik nang manggabungakan kalumpuk-kalumpuk jadi satu karajaan Kerajaan Negara Dipa. Karajaan ngini imbah ngitu baganti ngaran jadi Nagara Daha, imbah ibu kuta dipindahkan ka hulu.
Struktur pamarintahan
[babak | babak asal-mulanya]Pada masa pamarintahan Karajaan Nagara Daha, pusat pamarintahan di wilayah Kalimantan Selatan diandak di Muhara Hulak, Nagara. Karajaan Nagara Daha jua bisi palabuhan dagang di Muara Bahan, Kabupatin Hulu Sungai Selatan. Panduduk asli Karajaan Daha bamula matan Suku Banjar. Biasanya begana di wilayah hilir Sungai Barito dan Batang Banyu wan berbahasa Banjar. Selain nitu, ada jua Suku Banjar Kuala, Suku Banjar Pahuluan, dan Suku Dayak.
Kronik raja-raja dan karya-karya.
[babak | babak asal-mulanya]Pandiri dan raja asa Karajaan Nagara Daha yatu Sekarsungsang. Sidin digalari Panji Agung Maharaja Sari Kaburangan. Sidin mamindah ibu kota Negara Dipa nang sabalumnya diandak di Amuntai ka pusat pamarintahan baru di Muara Hulak wan palabuhannya di Muara Bahan. Mulai dari situ karajaan ngintu tarkanal lawan nama Nagara Daha. Wilayah Nagara Daha ngintu ada Sewa Agung, Bunyut, Karasikan, Balitung, Lawai, dan Kotawaringin.
Raja kadua Nagara Daha yatu Raden Sukarama. Sidin mamilih Raden Samudera, cucunya, gasan menggantiakan. Ngini ulih Sukarama maanggapnya sabagai raja nang bagus, katurunan raja sacara patrilinial dan matrilinial, sasuai wan paringatan oleh Empu Djatmika, pandiri dinast. Umanya yatu putri Raden Sukarama, Puteri Galuh Baranakan, samantara abahnya yatu Raden Manteri Alu, dangsanak lakian Sukarama.
Nanang-nanang Raden Sukarama mamparabutakan suksesi, wan nang tatuha, Pangiran Arya Mangkubumi bahasil manjadikan ampun diri sabagai raja Nagara Daha. Walaupun sidin akan mamarintah lakas oleh sidin maninggal pada tahun nang sama (1525). Sidin digantiakan ulih adingnya Pangeran Tumenggung.
Raden Samudera imbah ngitu bukah wan mandirikan sabuah kerajaan di wilayah Banjar Masih , palabuhan/kampung Oloh Masih ( Ngaju : urang-urang pasisir nang baagama Islam, yatu urang Malayu ), nang imbah ngitu dikanal Banjarmasin. Kamudian, sidin maminta bantuan Kasultanan Damak gasan maamambil pulang kakuasaannya. Raden Samudera bahasil maambil pulang kakuasaannya sabagai raja di Kerajaan Daha dan mandirikan karajaan Banjar wan pangaruh Islam dari Demak.