NDX A.K.A.
| NDX A.K.A. | |
|---|---|
 Kanan ka kiwa: Yonanda Frisna Damara, Fajar Ari. | |
| Latar balakang | |
| Dipinandui jua sabagai |
|
| Asal | Kabupatin Bantul, DI Yogyakarta, Indunisia |
| Genre | |
| Tahun aktif | 2011–pahinian |
| Label | Opera Swara Genta |
| Angguta | |
| |
NDX A.K.A. (singkatan matan Nanda Extreme, As Known As; sabalumnya bangaran Ndx Aka Familia) adalah grup musik duet aliran hip-hop dangdut lawan pop jawa tumatan Indonesia nang tiba matan Bantul, DI Yogyakarta. Grup musik nang diulah wayah tahun 2011 ini baistilah husus musik jawa, utamanya dalam gaya instrumental wan kapanulisan lagu. Badua angguta grup musik ngini ada Yonanda Frisna Damara wan Fajar Ari.[1]
Riwayat kisah
[babak | babak asal-mulanya]NDX A.K.A. ngini grupnya nang cungul tumatan kampung Imogiri, Kabupaten Bantul, DI Yogyakarta,[2] nang tapandang marga mausung genre dangdut wan hip hop nang bakambuh wan imbahnya nitu buhannya badua ngini dianggap pelopor genre hanyar: hip-hop dangdut. Ngaran grup ngini marupakan singkatan matan "ND" nang tiba matan singkatan ngaran Yonanda (Nanda), "X" nang malambangakan extreme gasan manggambarakan unsur hip-hop nang dianggap kada umum dikambuh duwa dangdut, lawan juwa "A.K.A." nang marupakan singkatan matan As Known As (alias).
Grup musik ngini didiriakan lawan Yonanda Frisna Damara wayah 11 Siptimbir 2011, rahatan sidin baumur 15 tahun. Dua bulan imbah nitu, inya maminta sapupunya Farhajar Ari gasan umpat bagabung, nang wayah nitu mamilih ngaran panggung PJR Microphone. Grup ngini mamulai karirnya matan panggung halus lawan bayaran nang kada tapi banyak. Buhannya tampil panambayan di balakang stasiun TVRI Yogyakarta nang dibari Rp75,000.[3] Imbah nitu, mulai buhannya dipinandui urang nang sampai wayahini tarus batambah marga lirik nang parak lawan kahidupan sahari-hari.
Gaya bamusik
[babak | babak asal-mulanya]Kabanyakan lagu NDX A.K.A. baparihal cinta, hususnya dinamika hubungan nangkaya patah hati, kasatiaan, manimburu, wan sangkal dalam hubungan romantis. Lirik-liriknya banyak mamakai bahasa Jawa ngoko nang kada rasmi, lawan narasi nang manggambarakan konflik emosional antara pasangan. Sapalih lagu maumpati sudut pandang laki-laki nang marasa dihianati atawa ditinggalakan. Sapalih lagu NDX A.K.A. baisi lirik dalam bahasa Jawa nang baisi kata kasar, sambatan gasan urang, lawan juwa diambil matan mana-mana nang dinilai sapalih urang bamuatan seksisme wan misoginis.[4] Ungkapan ngitu biasanya cungul dalam konteks cinta atawa konflik antara tokoh dalam lagu. NDX A.K.A. jua dipinandui mambawaakan sapalih lagu tapandang matan tahun 1990-an, utamanya karya-karya anggit Deddy Dores atawa Nike Ardilla.[5]
NDX A.K.A. memakai gaya babaju nang maneron gaya hip-hop wan maadaptasi gaya streetwear. Baju nang dipakai nangkaya kaus lunggur, baju dingin batukup, salawar jogger, wan tupi snapback. Gaya babaju ngitu tarus dipakai wayah buhannya tampil di panggung, video musik, wan bakudak gasan prumusi buhannya, wan jadi bagian matan identitas visual buhannya mulai panambayan cungul.
Diskografi
[babak | babak asal-mulanya]Album musik
[babak | babak asal-mulanya]- Dangdutnya Anak Muda (2017) (sebagai Ndx Aka Familia)
- NDX A.K.A Familia (2017)
- Ini Dangdut S02: Live from Jakarta 4 (2023)
Lagu kolaborasi
[babak | babak asal-mulanya]- ROPANG — baduwa Denny Caknan
Panghargaan wan nominasi
[babak | babak asal-mulanya]| Tahun | Panghargaan | Tumbung | Nominee | Hasilnya |
|---|---|---|---|---|
| 2025 | Indonesian Dangdut Awards 2025 | Video Klip Daerah nang Paling Dipopuler | "ROPANG" (feat. Denny Caknan) | |
| Duo/Duet/Grup/Kolaborasi Daerah/Dangdut Alternatif Terpopuler | NDX A.K.A. |
Jujuhutan
[babak | babak asal-mulanya]- ↑ N, Aprilia (2024-11-25). "Biodata NDX A.K.A". IDN Times (dalam bahasa Indonesia). Diakses tanggal 2025-07-21.
- ↑ Agne, Yolanda (2024-06-27). "Mengenal NDX A.K.A, Grup Musik Hip-hop Asal Yogyakarta yang Konsernya Selalu Dipadati Penonton". Tempo (dalam bahasa Indonesia). Diakses tanggal 2025-07-21.
- ↑ "Mengenal NDX A.K.A, Grup Hip Hop Dangdut Asal Jogja, Pernah Tampil Dibayar 75.000". Halo Jember (dalam bahasa Indonesia). 2024-12-21. Diakses tanggal 2025-07-21.
- ↑ Akbar, Fadillah; Kezia, Fini (2024-12-03). Firdaus, Ridho Alam, ed. "Kontroversi dan Kecaman Candaan Seksisme NDX AKA dalam Penutupan Porsenigama 2024". BPMF Pijar (dalam bahasa Indonesia). Diakses tanggal 2025-07-21.
- ↑ Adhari, Agus (2024-10-07). "Dangdut Populer: NDX AKA Bikin Heboh Monas, hingga Konser Spektakuler Lesti Kejora". JagoDangdut (dalam bahasa Indonesia). Diakses tanggal 2025-07-21.