Musium Wayang
 Ampah muka Musium Wayang dilihat tumatan Taman Fatahillah | |
| Didirikan | 1640 (Sebagai Gereja) |
|---|---|
| Lokasi | Jalan Pintu Besar Utara 27, Jakarta Barat, Jakarta, Indonesia |
| Jenis | Musium wayang |
| Angkutan umum | Citakan:Rint Citakan:Rint di halte Museum Sejarah Jakarta |
Musium Wayang adalah sabuah musium nang baandak di Jalan Pintu Besar Utara Numur 27, Jakarta Barat.
Sajarah
[babak | babak asal-mulanya]Bangunan nang kalihatan unik wan manarik ngini sudah banyak diubah. Pamaraannya bangunan ngini disambat De Oude Hollandsche Kerk ("Gereja Tuha Walanda") wan diulah pamaraan tahun 1640. Tahun 1732 diubah wan diganti ngarannya jadi De Nieuwe Hollandse Kerk (Gereja Hanyar Walanda) sampai tahun 1808 lantaran rusak ulih lindu wayah tahun nang sama.
Imbahnya tahun 1912 bangunan diubah sabukuan jadi gaya rumah Walanda nang ngarannya Neo Renaissance. Wayah diingkuti ulih parusahaan Geo Wehry and Co, bangunan nitu dipakai gasan jadi gudang. Tahun 1936, bangunan ngini suah dijadiakan munumin, sampai satahun imbahnya bangunan ngini ditukari ulih Bataviasche Genootschaap van Kusten en Wetenschappen, lambaga nang bagarak dalam ilmu pangatahuan wan budaya. Kada sampai di situ, wayah tanggal 22 Disimbir 1939, Gubernur Walanda nang paampihan, Tjarda van Starkenborgh maubah bangunan nitu jadi musium Batavia Lama. Tagal wayah pandudukan Japang, musium Batavia Lama kada diapiki.[1]
Imbah Indunisia mardika, pas tahun 1957 Lembaga Kebudayaan Indonésia (LKI) hakun maurusi bangunan nitu wan mangganti ngarannya jadi Musium Jakarta Lama. Tagal pas 1 Agustus 1960, ngaran "Lama" dihapus jadi Musium Jakarta haja. Dua tahun imbah nitu, wayah tanggal 16 Siptimbir, LKI manjulung pulang ka pamarintah Indunisia. Bangunan ngini suah jua dipindahakan ka bangunan Jakarta atawa nang dipinandui jadi Musium Sejarah Jakarta. Sabulan sabalum dirasmiakan Musium Wayang, pas rahatan Pekan Wayang II Wali Kota Jakarta wayah nitu, Ali Sadikin katuju wan kumpulan, wan budaya wayang jua. Ihwal nitu nang Musium Wayang dirasmiakan wayah tanggal 13 Agustus 1975. Bujur sudah dirumbak, sapalih bagian gereja lawas wan hanyar masih kalihatan di dalam bangunan ngini.[2]
Kumpulan
[babak | babak asal-mulanya]Musium Wayang manaimpaiakan bamacam-macam janis wan bantuk wayang tumatan Indunisia, baik nang diulah tumatan kayu atawa kulit, atawa bahan-bahan nang lain. Wayang-wayang tumatan luar nagari ada jua, nangkaya tumatan Cina wan Kambuja. Musium ngini hudah baisi labih pada 4.000 buting wayang; tumatan wayang kulit, wayang golek, wayang kardus, wayang rumput, wayang janur, tuping, bunika, wayang beber wan gamelan.[3] Karancakannya bunika nang dikumpulakan di musium ngini adalah bunika-bunika nang asalnya matan Irupa, tagal ada jua nang asalnya tumatan nagara lain Irupa nangkaya Thailand, Suriname, Cina, Vietnam, India wan Kolombia. Salain nitu, rancak jua diadaakan pamiran wayang wayah minggu ka-2 wan ka-3 satiap bulannya. Wayah tanggal 7 Nupimbir 2003, PBB mamutusakan maakui wayang Indunisia sabagai warisan dunia nang parlu dilastariakan.
Kaandakan
[babak | babak asal-mulanya]Tiring jua
[babak | babak asal-mulanya]- Museum Wayang Kekayon, di Yogyakarta
- Museum wayang Medan Mas, di Banyumas
Jujuhutan
[babak | babak asal-mulanya]- ↑ Dimyati, Edi (2010). 47 Museum Jakarta. Jakarta: PT. Gramedia Pustaka Utama. hlm. 61–63. ISBN 978-979-22-5501-0.
- ↑ "Wayang Jakarta"". Diarsipkan dari versi asli tanggal 2018-08-17. Diakses tanggal 2018-08-17.
- ↑ Oktaviani, Tari (19 Maret 2022). Nailufar, Nibras Nada, ed. "Museum Wayang Jakarta: Jadwal Buka, Tarif, Sejarah, dan Koleksi Halaman all". Kompas.com (dalam bahasa Indonesia). Diakses tanggal 17 Mei 2024.
Pranala luar
[babak | babak asal-mulanya]- (Bahasa Indonesia) Museum wayang
- Situs Resmi: Museum wayang[permanent dead link]
- Museum wayang Medan[dead link]
- Yayasan Sastra Lestari pasal 'Wayang': https://www.sastra.org/koleksi?cid=12&sid=63 wan pasal 'Mahabharata': https:// www.sastrahttps://www.sastra.org/koleksi?cid=11&sid=72