Capil ka isi

Musium Layang-Layang

Tumatan Wikipidia Banjar, kindai pangatahuan

Musium Layang-Layang nang dalam bahasa Indunisia kawa disambat Musium Kalayangan adalah sabuah musium nang baandak di Jl. H. Kamang No. 38, Pondok Labu, Jakarta Salatan.[1] Musium ngini marupakan musium layang-layang pamulaan di Indunisia nang dirasmiakan tanggal 21 Marit 2003, ulih I Gede Ardika nang manjabat Mantri Kabudayaan wan Pariwisata [2][3]

Musium ngini diulah ulih Ibu Endang Ernawati nang katuju lawan budaya bakalayangan. Diulahnya musim ngini maraga Ibu Endang paduli wan budaya kalayangan nang kada tapi rami lagi. Maraga ngini, matan 1980 Ibu Endang bamula manggaduh budaya kalayangan wan mengumpuli bamacam-macam kalayangan, imbah pas 1985 inya maulah Merindo Kite and Gallery.[4]

Kumpulan kalayangan di musium ngini sakitar 600 buting, bandanya batambah tarus maraga ditambahiakan ulih sasama nang katuju kalayangan antah nang datang matan dalam dairah atawa luar dairah bahkan luar nagri. Wan ada jua kalayangan nang diulah karyawan musium di situ.[5] Musium ngini buka satiap hari matan jam 09.00-16.00 WIB.[6] Hari parayan musium ngini tutup.[7]

Kalayangan nang Disimpan

[babak | babak asal-mulanya]

Kalayangan kuliksi musium ngini kada baasal matan Indunisia aja, ada jua kalayangan nang baasal matan nagara lain nang kaya Cina, Japang, Walanda, Vietnam wan nagara lainnya.[8] Matan kalayangan halus baukuran dua sinti sampai kalayangan dandang nang liwar ganalnya.[6] Jua, musium ngini baisi babarapa kalayangan baukuran paling ganal di Indunisia nang kaya “Megaray” baukuran 9 x 26 mitir.[6]

Di musium ngini jua ada kalayangan matan Kalimantan Salatan. Amun ditarabangakan, kalayangan ngini harus sapasang wan kaduanya digantungi alat-alat musik mirip suling, jadi pas kalayangan ngini ditarabangakan inya mangaluarakan suara musik. Ada jua kalayangan pangantin, nang ditarabangakan pas acara kawinan jadi uarang di sakitar kawa tahu bahwa ada acara kawinan di kampung sawaktu malihat kalayangan ngini tarabang.[9] Kada cuma malihat kuliksi ratusan kalayangan, amun bayar salawi ribu, pandatang jua kawa dapat pakit manggambar gasan maasah kriatipitas.[10]

  1. ↑ Hadi, Feryanto (20 November 2012). "Sejarah Museum Layang-Layang, dari Hobi Menjadi Prestasi". Tribunnews.com. Warta Kota. Diakses tanggal 7 Mei 2014.
  2. ↑ Purwadi "Pedje" Djunaedi, dkk. Layang-Layang Indonesia. Museum Layang-Layang Indonesia bekerja sama dengan Merindo-Kites & Gallery dan Q Communication. hlm. 116–120.
  3. ↑ Dimyati, Edi (2010). 47 Museum Jakarta. Jakarta: PT. Gramedia Pustaka Utama. hlm. 31–35. ISBN 978-979-22-5501-0.
  4. ↑ "Museum Layang-Layang Indonesia - Sistem Registrasi Nasional Museum". Sistem Registrasi Nasional Museum Kemdikbud (dalam bahasa Inggris). Diakses tanggal 2024-05-18.[permanent dead link]
  5. ↑ "Sejarah Museum Layang-Layang, dari Hobi Menjadi Prestasi". Tribunnews.com. Warta Kota. 20 November 2012. Diakses tanggal 7 Mei 2014.
  6. 1 2 3 "Museum Layang-layang". Liburan Anak.com. Diarsipkan dari versi asli tanggal 2014-05-14. Diakses tanggal 13 Mei 2014.
  7. ↑ "Museum Layang-layang". Wisata Jakarta Panduan Wisata Kota Betawi. 2 Februari 2013. Diarsipkan dari versi asli tanggal 2014-05-14. Diakses tanggal 2014-05-13.
  8. ↑ "Mengenal Layang-layang di Museum Layang-layang". Kabari. 21 April 2014. Diakses tanggal 2014-05-13.
  9. ↑ "Museum Layang-Layang Jakarta". GoIndonesia.com. 7 Mei 2013. Diarsipkan dari versi asli tanggal 2014-05-13. Diakses tanggal 2014-05-08.
  10. ↑ Media, Kompas Cyber (2023-05-14). "Keliling Museum Layang-layang Indonesia, Ada Apa Saja? Halaman all". KOMPAS.com (dalam bahasa Indonesia). Diakses tanggal 2024-05-18.

Pranala luar

[babak | babak asal-mulanya]
Dijumput matan "https://bjn.wikipedia.org/w/index.php?title=Musium_Layang-Layang&oldid=103185"