Muhammad Bakhiet
Muhammad Bakhiet, “Muhammad” yang baarti dipuji, “Bakhiet” baarti sangat bauntung. Guru Bakhiet sidin dilahirakan di Telaga Air Mata, Kampung Arab, Barabai, Kabupaten Hulu Sungai Tengah di tanggal 1 Januari 1966. abah sidin bangaran (Tuan Guru) Ahmad Mughni wan uma sidin bangaran Hj. Zainab. Umanya Guru Bakhiet bangaran Hj. Zainab binti Usman, imbah tu abahnya Guru Bakhiet adalah saurang ulama nang ganal yang liwar masyhur di jamannya sidin, yang liwar, `ālim, `ābid, wan wara`, sama wn zuhud, nang tu Fadhilatusy Syekh Ahmad Mughni bin Syekh Isma`il bin Syekh Muhammad Thahir bin Syekh Syihabbuddin. Syekh Syihabbuddin ini ujar asal mulanya nang diparcayai urang sidin putera dari Maulana Syekh Muhammad Arsyad al-Banjari nang maulah kitab Sabilal Muhtadin nang banyak diajarkan di babanyak wilayah dan panjuru Asia Tenggara. Tuan Guru KH. Muhammad Bakhiet sidin adalah saurang ‘ulama ‘amiliin nang kuat dalam akhlaq-akhlaq nabawiyah yang luhur. Muha beliau kaya naungan yang taduh, suara beliau sidin ni kaya salju (dingin didangari), papadahan sidin ni beliau kaya hujan, ilmu beliau laksana kaya lautan.[1]
Riwayat Pandidikan
[babak | babak asal-mulanya]Imbahtu latar balakang pandidikan nang dijalani Guru Bakhiet salain manimba ilmu dari kuwitan sidin yaitu: Sekolah Dasar sampai kalas IV (1972-1976 M). Pondok Pasantrin Ibnul Amin di Pamangkih, kurang labih tiga tahun (1977- 1980 M). Pondok Pesantren Darussalam, di Martapura, kurang labih satangah tahun (1980 M). Madrasah Islam Darussalamah, Bangun Jaya, Martapura, kurang labih satu satangah tahun (1980-1981 M). Imbah babarapa tahun di Martapura, Guru Bakhiet bulik ka Barabai. Di tampat kalahiran sidin ini Guru Bakhiet balajar pulang lawan abahnya, Ahmad Mughni, jua balajar lawan Tuan Guru Abdul Wahab pada bidang fiqih, H. Hasan wan H. Saleh pada bidang ilmu Nahwu. Pandidikan Guru Bakhiet kada malulu di situ situ haja di Kalimantan Salatan, sidin jua suah balajar ka Jawa Timur (Bangil). Bangil nang ada di barada wilayah nang banyak saurang ulama nang suah balajar karana di sini banyak didiami ulih ulama wan haba`ib. babanyakan buhan ulama yang takanal nang ada di Kalimantan Selatan kaya KH. Muhammad Zaini bin Abdul Ghani, Muhammad Syukri Unus, KH. Ahmad Bakri, KH. Asmuni (Guru Danau) dan nang lainnya. Guru Bakhiet balajar ka Bangil atas patunjuk kuwitan sidin. Di sini Guru Bakhiet baguru wan maambil tarikat Alawiyah lawan Habib Zein al-Abidin Ahmad al-Aydarus. Dari data di nang ada atas jalas bahwa Guru Bakhiet labih banyak mahadapi jalur pandidikan didalam banua surang. Baingat kahidupan di dunia ngini nang liwar singkat maka ulih kuwitan Guru Bakhiet maarahakan kapada pandidikan nang menjadi bakal untuk manjalani kahidupan di banua nang adabi kelak, nang itu mautamakan pandidikan agama dihiga pandidikan umum yang cukup haja lawan harat manulis, mambaca, bahitung lawan babahasa nang diajarkan di bangku sekolah dasar.[2]
Pangajian Guru Bakhiet
[babak | babak asal-mulanya]Ada ampat buting pangajian nang diasuh ulih Muhammad Bakhiet. yang partama, pangajian di Pondok Pesantren wan Majelis Taklim Nurul Muhibbin di Jl Ramli Barabai Darat. Dalam saminggu di tampat ini diadaakan babarapa kali pangajian nang dihadiri ribuan jamaah. Pangajian nang kadua batampat di Pondok Pesantren Nurul Muhibbin Ilung jl. Gerilya Kacamatan Batang Alai Utara (10 km dari kota Barabai). Pangajian ngini dibuka di tahun 2009. Pangajian nang katiga batampat di Majalis Taklim Nurul Muhibbin Desa Manduin Kabupaten Balangan (sekitar 20 km dari kota Barabai). Pangajian ngini dibuka di tahun 2011. Pangajian nang kaampat batampat di Masjid Bustanul Muhibbin di Jl. Trans Kalimantan Alalak Berangas Timur Kabupatin Barito Kuala. Tampat pangajian ini babatasan lawan kota Banjarmasin sampai warga Banjarmasin dapat tanyamani mendatangi tampat ngini gasan maumpati pangajian. Pangajian di tampat ini diadai dua minggu sakali di hari Sabtu malam (malam Ahad) imah sambahyang Isya.[3]
Bubuhan Guru Maajari Guru Bakhiet
[babak | babak asal-mulanya]Di Barabai ngintu :
Abah beliau, alm. Tuan Guru H. Ahmad Mughni (Lahir di Nagara 1327 H atau 1910 M., Maninggal di Barabai 10 dzul hijjah 1414 H/1994 M), yang ujar ulih TG. H. Ibad (Baderi) wan TG.H. Mahfuzh Amin (Pamangkih) sabagai "Waliyullah". Tuan Guru H. M. Shaleh bin TG. H. Sabran (Lahir di Barabai tahun 1941, Maninggal di Barabai tahun 15/02/1983 M 02 jumadil akhir 1403 Η). Beliau adalah mintuha ulih abahnya, laki dari alm. Hj. Bulqis. lawan ulama ini Guru Bakhiet balajar kitab Ibnu Aqil syarah Alfiah Ibnu Malik di bidang ilmu nahwu. Syaikhuna Tuan Guru H. Hasan Ahmad. Lawan ulama ini Guru Bakhiet suah umpat balajar sakali kitab Riyadhush Shalihin.Syaikhuna Tuan Guru H. Abdul Wahhab bin Marzuqi, saurang ulama ahli Fiqih dan Faraidh.
Di Ponpes Ibnul Amin Pamangkih ngintu;
Al-'Allamah az-Zahid Muassis al-Ma'had, Tuan Guru H. Mahfuz Amin (Lahir tahun 1914, Wafat tahun 1995), guru Guru Bakhiet di bidang ilmu falak. TG. H. Asri Hasyim, guru nang paling baparan banar. Najamuddin, H. Yusri Fauzi, guru pamulaan Guru Bakhiet di PP Ibnul Amin
Di Martapura, nngintu;
Al-'Alimul 'Allamah an-Nahwi al-Fadhil Abuya Tuan Guru HM. Syukri Unus (Lahir di Amuntai 1948). Syaikhuna Al-'Alim Ar-Rabbani, al-'Arif Billah, Tuan Guru HM. Zaini Abdul Ghani (Lahir di Martapura 1942, Wafat di Martapura 2005). lawan ulama ini sidin Guru Bakhiet balajar kitab Ajrumiah di bidang ilmu nahwu, al-Adzkar karya Imam Nawawi. Al-'Allamah al-Musnid ad-Da'iyah al-Habib Abul Hasan Abu Bakar bin Hasan bin Abu Bakr bin Abdullah Alattas az-Zabidi al-Hindi). H. Imran yang tinggal di belakang MIS Darus Salamah, guru Guru Bakhiet di bidang ilmu tajwid.
Di Pulau Jawa, ngintu:
Al-Habib al-Mukasyaf Shahibul karamat, Zen bin Ahmad Alaydrus (Maninggal di Surabaya 6 shafar 1428 H). Al-'Allamah Al-Habib Anis bin 'Alwi bin 'Ali bin Muhammad al Habsyi (Lahir di Garut 1928, Maninggal di Solo 2006).
Di Haramain (Makkah lawan Madinah)
Musnid Zamanih wa Farid Awanih al-'Allamah al-Syekh AsSayyid Muhammad Yasin bin Muhammad ‘Isa al-Fadani al-Makki alHasani (Lahir di Makkah 1915, Maninggal di Makkah 1990). Al-'Allamah al-Faqih al-Habib Zen bin Ibrahim bin Sumaeth, guru ganal thariqah 'alawiyah. Syaikhuna Al-'Allamah al-Faqih al-Muhaddits al-Murabbi asSayyid Abu 'Alawi Hamid bin 'Alawi bin Salim bin Abu Bakar al-Kaf (Lahir di Banjarmasin 1927, Wafat di Makkah di hari Ahad 22/11/2015).[4]
Jujuhutan
[babak | babak asal-mulanya]- ↑ Untaian Yakut Biografi KH. Muhammad Bakhiet | Perpustakaan UIN Antasari Banjarmasin. Diarsipkan dari versi asli tanggal 2025-03-06. Diakses tanggal 2025-03-08.
- ↑ Untaian Yakut Biografi KH. Muhammad Bakhiet | Perpustakaan UIN Antasari Banjarmasin.[permanent dead link]
- ↑ "Ulama Banjar (200): KH. Muhammad Bakhiet". Alif.ID (dalam bahasa Indonesia). 2022-05-12. Diakses tanggal 2025-03-08.
- ↑ Team (2021-03-27). "ASKB Bersilaturrahmi Dengan Guru Bakhiet Di Barabai Kalimantan Selatan - Rumah Karya Bersama". www.rumahkaryabersama.com (dalam bahasa Indonesia). Diarsipkan dari versi asli tanggal 2024-02-25. Diakses tanggal 2025-03-08.