Monumen Pers Nasional
Munumen Pers Nasional yaitu sabuting musium khusus media massa (pers) nasional Indunisia nang andakannya di Surakarta, Jawa Tangah. Kumpulannya maliputi teknologi komunikasi wan teknologi reportase, nang kaya penerbangan, mesin tik, pemancar, telepon, wan kentongan ganal.[1] Museum ngini didiriakan tahun 1978, imbah labih matan 20 tahun diusulakan ulih Departemen Penerangan Indonésia. Museum ngini wayahini dioperasikan ulih Kamantrian Kumunikasi wan Digital Republik Indunisia. Kompleks monumen ngini tadiri matan bangunan sosieteit lawas, nang dibangun tahun 1918, dipakai gasan patamuan pamugaan Persatuan Wartawan Indonesia (PWI) serta babarapa bangunan nang ditambahi tahun 1970-an. Monumen ngini tadaptar jadi Cagar Budaya Indunisia.
Munumen Pers Nasional baisi koleksi nang labih matan sajuta surat kabar wan majalah wan bamacam banda sajarah nang bakait wan pers Indunisia. Kikira sajuta surat kabar wan majalah matan masa sabalum wan imbah Revolusi Nasional Indunisia matan bamacam-macam wilayah di Nusantara disimpan di museum ini.[2] Fasilitas museum tamasuk ruang multimedia, koran nang kawa dibaca sacara gratis, wan perpustakaan. Wadah nang sudah didatangi ulih labih 26.000 ikung sapanjang tahun 2013. Musium ngini dipromosikan jadi tujuan wisata pendidikan malalui Facebook wan babarapa pamiran.
Sajarah
[babak | babak asal-mulanya]
Bangunan nang jadi wadah badirinya Munumen Pers Nasional diulah tahun 1918 atas suruhan Mangkunegara VII, Pangeran Mangkunagaran, gasan dijadiakan aula bakumpulan wan wadah rapat. Bangunan ngini pemulaan ngarannya "Societeit Sasana Soeka"[2] dirancang ulih Mas Aboekassan Atmodirono.[3] Tahun 1933, Sarsito Mangunkusumo wan beberapa insinyur nang lain batamuan di gedung ngini marintis Solosche Radio Vereeniging, radio publik pemulaan yang dioperasikan wan digawi ulih buhan urang Indonesia.[4] Tiga belas tahun imbah itu, 9 Pébruari 1946, Persatuan Wartawan Indunisia (PWI) bamula di gedung ngini.[5] Wayah panjajahan Japang di Hindia Belanda, bangunan ngini dijadikan klinik perawatan tentara, imbahtu jadi kantor Palang Merah Indunisia wayah Revolusi Nasional Indunisia.[3]
Tanggal 9 Pébruari 1956, dalam acara sapuluh tahun PWI, wartawan nang sudah terkenal nang kaya Rosihan Anwar, B.M. Diah, wan S. Tahsin mausulakan pandirian yayasan nang cagar manggaduh Museum Pers Nasiunal. Yayasan ngini diresmikan pada 22 Mei 1956 wan sabagian ganal kuliksinya disumbangakan ulih Soedarjo Tjokrosisworo. Lima belas tahun imbah itu yayasan ngini beulah musium fisik. Rencana ngini sacara rasmi dihabarakan ulih Mantri Penerangan Budiarjo tanggal 9 Februari 1971. "Monumen Pers Nasiunal" dipasahkan tahun 1973 wan tanahnya disumbangakan ka pamarintah tahun 1977. Museum ngini sacara rasmi dibuka 9 Pébruari 1978 imbah malangkapi babarapa bangunan.[4] Dalam pidato sidin, Prisiden Soeharto mamadahkan pers lawan bahaya kamardikaan. Inya memadahkan, "manikmati kamardekaan demi kamardekaan adalah kahormatan nang kada kawa kita dapat".[6]