Mochran bin Hadji Ali
,_p110.jpg)
Mochran bin Hadji Ali[1][2] yatu saurang pulitikus Indunisia. Sidin diranakakan di Sampit, Tanjung Jeriangu wayah tanggal 31 Maret 1908. Sidin yatu lulusan O.S.V.I.A. Makassar tahun 1929. Sidin masuk Partai Indonesia Raya (PARINDRA). Matan 1932 hinggan 1937, sidin manjabat jadi Asisten Kiai di Kuala Pembuang (Sampit) wan mawakili Kapala Distrik Kuala Kapuas. Mulai 1937 hinggan 1942, sidin manjabat jadi Kapala Distrik Pengaron Martapura wan balanjut jadi Kapala Distrik nang diandak di Banjarmasin.[3]
Wayah masih dijajah Japang, baganti jadi Guntyo Sampit wan Kuala Kapuas. Imbah pruklamasi Kamardikaan Indunisia, bajarak tahun 1945 - 1948 jadi Kiai Kepala (HPB) di Tanjung; Kiai Kepala Kandangan wan Barabai afdeling Hulu Sungai gasan balanjut jadi Ketua Dewan Dayak Besar. Wayah bulan Agustus 1949, umpat jadi angguta Delegasi BFO ke Den Haag. Cungulnya Nagara RIS, sidin diangkat jadi buhan Senat DPR RIS, utusan Daerah Dayak Besar. Kambalinya Negara Kesatuan baasa, di samping gawiannya jadi pajabat Kiai Besar d.p. Residen Banjarmasin jadi buhan DPR RI.
Referensi
[babak | babak asal-mulanya]- ↑ Justisio. "Keputusan Presiden (Keppres) Nomor 209 Tahun 1951 tentang Pengangkatan Kepanitiaan Negara Untuk Merencanakan Persetujuan/Perjanjian Internasional Biasa Antar Indonesia Dan Belanda Pengganti Konperensi Meja Bundar | Justisio". justisio.com (dalam bahasa Indonesia). Diakses tanggal 2026-02-03.
- ↑ "Mochran bin Hadji Ali, Kami Perkenalkan (1954), p102". Kami Perkenalkan. 1954. Jakarta: Ministry of Information. Page in title (dalam bahasa Inggris). 1954-01-01. Diakses tanggal 2026-02-03.
- ↑ https://www.google.co.id/books/edition/Kami_perkenalkan/PTUrAQAAIAAJ?hl=id&gbpv=1&pg=PA102&printsec=frontcover