Minyak bintang

Minyak bintang marupakan minyak tradisiunal Suku Dayak di Kalimantan, nang dipakai gasan tatamba pangganti. Minyak ngini rancak disambat minyak sakti, minyak nang langka maraga liwar ngalih mancarii urang nang maulah minyak bintang wayahini. Salihan, dalam prusis maulahnya, minyak ngini kada babarang urang nang kawa maulah, salihan matan bahanm-bahan nang ngalih wan tukang ulah musti baisi silsilah katurunan nang baasal matan si tukang ulah minyak bintang, minyak ngini diulah matan ramuan tartantu lawan dikambuh kakuatan gaib.

Minyak bintang disambat minyak bintang maraga dalam prusisnya mamakai kakuatan sinar bintang, minyak nang hudah disiapakan, diandak di bawah sinar bintang lawan dibacai mantra-mantra atawa doa khusus. Umumnya, sasuai lawan kisah tatuha, minyak bintang diulah pas ari jumahat wayah bintang basinar tarang.

Bahan

Ada dua versi bahan-bahan gasan maulah minyak bintang, versi nang pamulaan, versi matan kisah di masarakat Samarinda, nang manyambat bahwa minyak bintang diulah matan banyu liur hantuen - makhluk jajadian di Kalimantan, ada jua kisah nang manyabar bahwa minyak bintang marupakan minyak matan banyu bakas mamandiakan mayat bayi. Tagal, asal minyak nang baasal matan bahan mayat ular nang paling diakui ulih sapalih pamakai minyak bintang di Samarinda.

Versi nang kadua, minyak bintang baasal matan kambuhan minyak nyiur, kapas bujang wan burung bubut. Minyak nyiur nang dipakai marupakan minyak nyiur biasa, sadangkan kapas bujang marupakan kapas nang hanyar aja babuah tagal kada sawat gugur ka tanah. Khusus gasan burung bubut marupakan burung nang badiam di padalaman hutan.