Mesiwah Pare Gumboh
Mesiwah Pare Gumboh (ngaran hendep MPG) marupakan ritual adat parayaan panen suku Dayak Deah nang bagana di desa Liyu, Kacamatan Halong, Kabupatin Balangan, Kalimantan Salatan.[1] Ada babarapa kagiatan nang digawi di Mesiwah Pare Gumboh, khususnya festivalnya, yaitu; (1) ritual nyerah ngemonta nang marupakan ritual manjulung kulihan panen nang magun mantah ka laluhur sabalum disajikan, (2) ritual atraksi mandi api sambil lawan tarian wan musik tradisiunal khas masarakat kampung liyu, (3) ngerokop esa nang marupakan kagiatan manginum kupi khas kampung liyu, (4) mambakar ikan baimbaian, (5) wisata alam liyu, (6) ritual nengkuat melukng, bersyokngm mengudang wan tombai.[2]
Di Mesiwah Pare Gumboh, bubuhan warga suku Dayak Deah manyiapakan makanan sahari sabalumnya. Ada babarapa makanan wajib nang diulah, nang kaya lamang wan sapalih wadai tradisiunal. Takananya ada jua hidangan matan nyiur. Mesiwah Pare Gumboh (MPG) hudah ditatapakan sawagai Warisan Budaya Takbenda ulih Mantri Pandidikan, Kabudayaan, Riset wan Tiknulugi Indunisia, Nadiem Makarim pas 30 Siptimbir 2022.[3]
Jujuhutan
[babak | babak asal-mulanya]- ↑ Yuniarti, Nabiilah (2024-07-20). "Mesiwah Pare Gumboh 2024: Merayakan Tradisi Panen Dayak Deah di Balangan". Cerita Baik Indonesia (dalam bahasa Inggris). Diakses tanggal 2025-07-03.
- ↑ "Sakralnya Ritual Mesiwah Pare Gumboh Masyarakat Dayak Deah – Bappeda Provinsi Kalimantan Selatan" (dalam bahasa Inggris). 2019-07-29. Diakses tanggal 2025-07-03.[permanent dead link]
- ↑ "Warisan Budaya Takbenda | Beranda". warisanbudaya.kemdikbud.go.id (dalam bahasa Indonesia). Diakses tanggal 2023-07-20. line feed character di
|title=pada posisi 27 (bantuan)