Meriam di Halaman Gedung Mahligai Sultan Adam
| Meriam di Halaman Gedung Mahligai Sultan Adam | |
|---|---|
| Nama sebagaimana tercantum dalam Sistem Registrasi Nasional Cagar Budaya | |
 | |
 Cagar budaya Indonesia | |
| Tampat keberadaan | Jl. Ahmad Yani No.1, Keraton, Kec. Martapura, Kabupaten Banjar, Kalimantan Selatan 70611 |
Meriam di Halaman Gedung Mahligai Sultan Adam adalah sanjata api tradisiunal paninggalan Kasultanan Banjar nang sudah ditatapakan jadi banda cagar budaya. Meriam ngini baandak di muka Pendopo Mahligai Sultan Adam, Martapura, Kabupatin Banjar, Parupinsi Kalimantan Selatan.
Mariam ngini marupakan parsenjataan Kasultanan Banjar nang dipakai gasan manyarang wan batahan di jaman paparangan bahari. Salain pungsi militer, meriam ngini jua dipakai pas ada acara parayaan kasultanan, biasanya dibunyiakan rahatan ada palantikan atau parasmian sultan wan panyambutan tamu-tamu nang panting.[1]
Ciri-Ciri
[babak | babak asal-mulanya]Meriam ngini baisi disain pulus, kada babalang atau bamutip nang pina timbul-timbul[2]. Barikut parincian bantukannya:
- Bahan: Wasi
- Panjang: 283 cm
- Kaliber: 12 cm
- Diameter:
- Ujung: 30 cm
- Bagian tangah: 30 cm
- Bawah: 35 cm
Panatapan Cagar Budaya wan Kaadaan Wayah Ini
[babak | babak asal-mulanya]Meriam ngini ditatapakan jadi Banda Cagar Budaya sasuai Surat Keputusan Bupati Banjar Nomor 211 Tahun 2014, nang dikaluarkan tanggal 27 Januari 2014. Statusnya dijadiakan Cagar Budaya Tingkat Kabupatin/Kuta bajanis Banda Cagar Budaya.[1]
Wayah ini, meriam ngini batagar maraga kana panas wan hujan. Meriam ngini dianggap jadi bagian matan warisan budaya Kasultanan Banjar, nang baisi nilai sajarah panting wan jadi simbul parjuangan karajaan Banjar bahari.[2]