Masigit Sultan Suriansyah

Masigit Sultan Suriansyah atawa Masigit Kuin tu masigit nang panuhanya di Kalimantan Salatan. Masigit ngini diulah wayah pamarintahan Sultan Suriansyah (1526-1550), raja Banjar nang panambayan nang masuk Islam. Masigit ngini iya sabuting masigit nang penuhanya di Banjarmasin juwa, rahatan masa Mufti Jamaluddin (mufti Banjarmasin wayah nitu). Dua masigit nang lainnya iya Masigit Jami lawan Masigit Basirih. Masigit ngini baandakan di Kalurahan Kuin Utara, Banjarmasin. Bahari di dairah ngini dijuluki Banjar Lawas nang marupakan indung banua Kasultanan Banjar.

Tagas hatapnya iya hatap tumpang, paimaman tapisah lawan bangunan induknya. Ngini panciri has masigit bagaya arsitektur tradisional Banjar.

Masigit Kuna

Kakunaan masigit ngini kawa diitihi matan dua butingan tulisan nang ada di dua daun lawang Lawang Agung. Di daun lawang subalah kanan ada 5 baris tulisan Arab-Melayu : " Ba'da hijratun Nabi Shalallahu 'alahihi wassalam sunnah 1159 pada Tahun Wawu ngaran Sultan Tamjidillah Kerajaan dalam Negeri Banjar dalam tanah tinggalan Yang mulia." Di daun lawang subalah kiwa ada 5 baris tulisan Arab-Melayu: "Kiai Damang Astungkara mendirikan wakaf Lawang Agung Masigit di Nagri Banjar Darussalam pada hari Isnain pada sapuluh hari bulan Sya'ban tatkala itu (kada terbaca)" . Kedua tulisan ngini menunjukakan bahwa pada hari Senayan tanggal 10 Sya'ban 1159 lagi Lawang Agung lagi diulah (renovasi Masigit) oleh Kiai Demang Astungkara pada masa pemerintahan Sultan Tamjidillah I (1734-1759).

Di mimbar nang diulah matan kayu ulin ada palingkung mimbar lawan kaligrafi nang babunyi "Allah Muhammadarasulullah". Di palih kanan atas ada tulisan "Krono Legi : Hijrah 1296 bulan Rajab hari Selasa tanggal 17", palih kiwanya ada tulisan : "Allah subhanu wal hamdi al-Haj Muhammad Ali al-Najri".