Capil ka isi

Masigit Raya Darussalam Palangka Raya

Tumatan Wikipidia Banjar, kindai pangatahuan
Masjid Raya Darussalam
Maklumat awam
AndakanPalangka Raya
Pahubungan agamaIslam – Sunni
ProvinsiCitakan:Country data Kalimantan Tangah
NagaraIndunisia
Rincian parancangan
Janis gaya parancanganMasigit
Gaya parancanganBakambuh arsitektur lokal Dayak duwa Arab[1]
Didirikan1984 (dibabak tahun 2011)[2][3]
Spesifikasi
Kapasitas10.000 - 20.000 jamaah[2][3][4]
Kubah5
Menara1
Tinggi menara114 meter (374 ft)[2]

Masigit Raya Darussalam Palangka Raya ngini iyalah masigit di prupinsi Kalimantan Tangah. Masigit ngini andakannya di Jalan G. Obos nomor 12, Kacamatan Jekan Raya, Kuta Palangka Raya.[3] Masigit ngini ada di kawasan Islamic Center Kuta Palangka Raya lawan juwa jadi sabuting ikon matan Kuta Palangka Raya.

Masigit ngini panambayan digawi wayah tahun 1984 matan idabulnya Yayasan Amal Bakti Muslim Pancasila nang bagaya arsitektur limasan batingkat talu di atapnya. Imbahnya di tahun 2010, pamarintah parupinsi Kalimantan Tangah handak maulah masigit nang pacangan jadi Masigit raya Palangka Raya. Marga nitu, Masigit ngini dibabak baasa wayah tahun 2011. Proses renovasi bangunan Masigit ngini salawas talu tahun. Sampai kaputingannya di tahun 2014, babakan Masigit ngini pun tuntung wan dirasmiakan lawan hubnur Kalimantan Tangah wayah nitu, Agustin Teras Narang.[2]

Masigit Raya Darussalam Palangka Raya baisi luas bangunan kikira 40.000 m². Masigit ngini kawa manampung jumlah jamaah sampai 10.000 hingga 20.000 ikung nusia. Masigit ngini baisi perpaduan gaya arsitektur modern duwa Arab lawan sentuhan ornamen has urang Dayak. Sentuhan ornamen has Dayak naya kawa dijanaki di desain talawang has Dayak yang baandakan di luar Masigit. Salain nitu, sentuhan ornamen has Dayak ngini kawa juwa dijanaki di kubah Masigitnya.[2]

Masigit Raya Darussalam baisi lima buting kubah, yaitu lima kubah halus nang mangulilingi sabuting kubah ganal badiameter 32 m. Masigit ngini gin baisi manara di bagian barat dayanya nang tingginya 114 meeter. Masigit ngini tardiri atas talu lantai nang mana lantai kasatu dipakai gasan kantur baurusan bubuhan pangurus Masigit nang luasnya 1.017 m², lantai dua lawan lantai talu dipakai gasan wadah baibadah nang luasnya 2.028 m².[4]

  1. ↑ Kasalahan pangutipan: Tag <ref> tidak sah; tidak ditemukan teks untuk ref bernama Masigit Ornamen Dayak
  2. 1 2 3 4 5 "Masjid Raya Darussalam Palangka Raya, Masjid Berornamen Khas Dayak". celebes.co. https://www.celebes.co/borneo/masjid-raya-darussalam-palangkaraya. Diakses pada 6 Agustus 2022. Kasalahan pangutipan: Tanda <ref> tidak sah; nama "Masjid Ornamen Dayak" didefinisikan berulang dengan isi berbeda
  3. 1 2 3 "Profil Masjid Raya Darussalam". Dewan Masjid Indonesia – Kalimantan Tengah. https://dmikalteng.org/web/masjid/profil/18. Diakses pada 6 Agustus 2022.[pranala nonaktif permanen] Kasalahan pangutipan: Tanda <ref> tidak sah; nama "Profil Masjid" didefinisikan berulang dengan isi berbeda
  4. 1 2 "Masjid Raya Darussalam, Masjid Megah bermotif Khas Dayak di Kota Palangkaraya". https://banjarmasin.tribunnews.com/2019/01/04/kaltengpedia-masjid-agung-darussalam-masjid-megah-dengan-motif-khas-dayak-di-kota-palangkaraya. Diakses pada 06-08-2022. Kasalahan pangutipan: Tanda <ref> tidak sah; nama "masjid khas dayak" didefinisikan berulang dengan isi berbeda
Dijumput matan "https://bjn.wikipedia.org/w/index.php?title=Masigit_Raya_Darussalam_Palangka_Raya&oldid=106209"