Masigit Jami Haur Kuning
Masigit Jami Haur Kuning atawa rancak disambat Masigit Jami Nurul Amilin yaitu salah sabuting cagar budaya nang ada di Kalimantan Salatan. Secara administratif masigit ngini andakannya di Jalan Kelayan Kecil RT. 15 RW. 01 kalurahan Kelayan Timur, kacamatan Banjarmasin Salatan, kuta Banjarmasin.[1] Rencana pembangunan ngini sudah ada matan zaman penjajahan Walanda tahun 1938. Tapi hanyar tagawi wayah penjajahan Japang tahun 1942.[2] Masigit ngini bisi luas tanah 2.501 mitir wan luas bangunannya 629,8 m2. Status tanahnya yaitu tanah wakaf nang artinya tanahnya dibariakan gasan dipakai fasilitas umum.[3]
Fasilitas wan kagiatan
[babak | babak asal-mulanya]Masigit ngini sudah dilengkapi beberapa bagian nangkaya mihrab, ruang induk, serambi kiwa, serambi kanan, pendopo, wan menara. Ada jua fasilitas gasan wudhu, kakus, mesin generation set, sound system, kipas angin, kantor sekretariat, aula serbaguna. TPA (Taman Pendidikan Al-Qur'an), wadah penitipan sandal/sepatu, gudang wan wadah parkir.[2]
Bahan acuan
[babak | babak asal-mulanya]- ↑ klikkalsel.com (2020-05-14). "Dibangun saat Penjajahan Jepang, Masjid Haur Kuning Miliki Banyak Peninggalan Sejarah". Klikkalsel.com (dalam bahasa Indonesia). Diakses tanggal 2025-03-16.
- 1 2 "Uniknya Masjid Tertua Ketiga di Banjarmasin: Masjid Jami Nurul Amilin". Kompas.tv (dalam bahasa Indonesia). Diakses tanggal 2025-03-16.
- ↑ klikkalsel.com (2020-05-14). "Dibangun saat Penjajahan Jepang, Masjid Haur Kuning Miliki Banyak Peninggalan Sejarah". Klikkalsel.com (dalam bahasa Indonesia). Diakses tanggal 2025-03-16.