Masigit As Suada
Masigit As Suada atawa nang rancak disambat Masigit As Suada Baangkat yaitu sabuting masigit tuha bersejarah di Kalimantan Salatan. Secara administratif masigit ngini andakannya di kampung Wasah Hilir, kacamatan Simpur, kabupatin Hulu Sungai Salatan.[1]
Sejarah
[babak | babak asal-mulanya]Dibangun tahun 1908 Masehi atawa tanggal 28 Dzulhijjah 1328 Hijriah. Pelopornya 2 ikung ulama yaitu Al-Alamah Syeikh H. abbas bin Al Allamah Syeikh H. Abdul Jalil nang diranakakan di kampung Dalam Pagar Martapura, wan Al-Allamah Syeikh H.M. Said bin Al Allamah Syeikh H. Sa'dudin nang diranakakan di kampung Amawang Kandangan.[2]
Arsitektur masigit ngini melihatakan konsep bangunan rumah tradisional Kalimantan Salatan nang didiriakan di atas tihang atawa rumah panggung. Imbah itu masigit ini dipinandui urang lawan galaran Baangkat maraga bisi lantai nang unik ditopang tungkat-tungkat kayu ulin nang jadi penyangga nang maulah kalihatannya nang kaya taangkat.[3]
Asal usul ngaran Su'ada diambil matan kata Sa'id, salah sabuting matan 2 pelopor pembangunan masigit ngini. Dalam bahasa Arab artinya "bauntung".[1]
Bahan acuan
[babak | babak asal-mulanya]- 1 2 "Kalselpedia: Sekilas Sejarah Dibangunnya Masjid Su'ada, Tertua di HSS". Banjarmasinpost.co.id (dalam bahasa Indonesia). Diakses tanggal 2025-03-25.
- ↑ bpcbkaltim (2016-07-26). "Masjid Suada | Balai Pelestarian Cagar Budaya Provinsi Kalimantan Timur" (dalam bahasa Inggris). Diakses tanggal 2025-03-25.
- ↑ Syarifuddin, M. "Sejarah Masjid Baangkat di HSS - Radar Banjarmasin". Sejarah Masjid Baangkat di HSS - Radar Banjarmasin (dalam bahasa Indonesia). Diakses tanggal 2025-03-25.