Masakan Minahasa
 |
| Artikal naya marupakan bagian matan |
| Masakan Indunisia |
|---|
 Portal Indunisia Portal Makanan |
Masakan Manado atawa Masakan Minahasa adalah tradisi masakan urang Minahasa di Sulawesi Utara. Tagal dipinandui sawagai Masakan Manado, sapalih banua di Sulawesi Utara yaitu Bitung, Tomohon wan Tondano juwa dipinandui urang sawagai pusat bamamakan Minahasa. Masakan Manado juwa dipinandui marga baisi pariasi dalam makanan laut, lombok nang banyak, daging napang-napang kah, wan wadai tumatan pangaruh Eropa. Masakan Manado nang populer adalah: tinutuan (disambat jua bubur manado), cakalang fufu, mi cakalang, paniki (daging kaluang), hayam atawa macam-macam makanan laut nang dihiasi lawan bumbu rica-rica atawa woku, ayam tuturuga, wan brenebon.
Tagal kada populer Masakan Padang, Masakan Jawa wan Masakan Sunda, ada haja pang batambah kasadaran ihwal masakan Manado di bilangan masakan indunisia. Sabuting restoran Manado mulai cungulan di kuta-kuta di Indunisia nang kaya Jakarta, Bandung, Medan, Surabaya, Semarang, Yogyakarta wan Mangkasar.
Daptar masakan
[babak | babak asal-mulanya]Makanan
[babak | babak asal-mulanya]- Cakalang fufu, cakalang tuna asap
- Mi cakalang
- Woku, atawa varian dari woku belanga; ayam, babi atawa iwak dalam bumbu woku
- Rica-rica, ayam atawa iwak nang dihiasi lawan banyak cabe rawit
- Kuah asam Manado
- Nasi kuning, nasi bajanar, Tagal resep nang sama jua dipinandui di sa-Indunisiaan
- Paniki daging kaluang, RW (Rintek Wu'uk), Tusak/daging kucing, Kawok/Peret daging tikus hutan, Patola daging ular, dan Yaki daging warik
- Tinutuan, jua dipinandui urang lawan ngaran bubur manado
- Dabu-dabu, racikan nang diulah matan tatakan balinjan, lombok parawit, bawang habang, jus laimun, uyah, wan baminyak lamak saikit
- Tinorangsak nang diulah matan daging babi babumbu, bakambuh darah dimuat dalam paring imbahnya dibanam kaya urang maulah lamang
Lalap
[babak | babak asal-mulanya]- Brenebon, sup kacang habang, bahanu bakambuh daging babi atawa daging sapi
- Ampal jagung
- Rica Rado
- Sayuran kambang kustila
- Sayur-sayuran daun kustila
- Sayur paku
- Tumis kangkung
Puluran
[babak | babak asal-mulanya]- Klappertaart
- Lalampa has Manado
- Biapong, pau has Manado.
- Panada
- Perkedel nike
- Pisang goroho, gaguduh has Manado, rancak dimakan lawan sambal roa
- Is brenebon, is kacang habang
- Nasi jaha
- Wadai kokoleh
Bakpao adalah papuluran nang dikatujui urang Manado. Bubuhannya katuju makan Bakpao marga baisi kaitan lawan Biapong/Bakpao Kawangkoan nang legendaris nang dimulai ulih Rumah Kopi Gembira Kawangkoans (matan tahun 1946) nang imbahnya nitu diumpati lawan Rumah Kopi lain nang manjual bakpao sawagai kawan manginum kupi.
