Masakan Maluku

Masakan Maluku adalah tradisi bamasak urang-urang nang bagana di Provinsi Maluku, Indunisia. Maluku hudah lawas dipandang baisi masakan nang banyak mamakai rarampah. Marga ihwa nitu, makanan-makanan has Maluku baisi cita rasa nang tinggi. Sajarah mancatat, Maluku bahari jadi pusat pardagangan wan panghasil cangkih, pala, wan sahang di dunia parsisnya di Kapulauan Banda. Wayah jaman panjajahan Walanda, banua ngini sawat haja dirabuti lawan urang Walanda, Portugis, wan Inggris.

Sualih sugih baisi rampah, Maluku juwa baisi alam nang bamamacam tagasnya, nangkaya pantai, gunung, sampai ka dunia bawah laut nang jadi tujuan urang bawisata.

Tagal dipandang jadi pusat perdagangan rampah, nyatanya makanan hari-hari di Maluku kada mamakai rampah nang banyak. Kabanyakan, masakan Maluku undasnya iya iwak nang sigar wan bahan lainnya. Pala wan cangkih nang tumbuh alami di Maluku kada tapakai di kabanyakan masakan Maluku, pada Kanari nang tabanyak dipakai urang dalam masakan Maluku nangkaya di Bagea, Popeda wan Ulak-ulak.^[1]

Rampah dalam masakan tahaga malahan di masakan urang Maluku Utara. Nangkaya wayah bamasak Iwak dimasak karing kayu nang mamakai 20 macam rampah. Masakan ngini tamasuk masakan spesial, marga lainan makanan hari-hari wan wastu dimakan wayah ari Jumahat atawa rahatan dingsanak takumpulan hanya bamamakan sakali ganal. Masakan hibak rampah juwa tahaga di Iwak karing rica bumbu kanari wan Ayam paniki.^[1]

Ngam fato

Sabuting budaya kuliner di Maluku iya ngarannya Ngam fato atawa cara makan bapaket nang istilahnya gasan sabuting paket sajian nang disurung ka ampat urang atawa labih salajuran sakira tartip wan tajangkau.^[1]

Adapun paket sajian nang dihidangkan nangkaya karbohidrat iya nasi kuning, nasi putih, katupat atawa pali (katupat nang dipundut mamakai daun pandan); amunnya paket lalap iya foki sinanga (tarung basanga), sayur lilin (tanaman paring banyu) basanga duwa acar; wan lauknya iya cakalang sanga rica, Rica isi (lombok ganal dipajali daging cakalang bagiling), Intalu bajarang bumbu manis, Ayam paniki wan Sup ayam.^[1]

Daftar masakan

Naya marupakan masakan Maluku:^[2]

Woku Komo-Komo
Iwak bakuah Pala Banda
Iwak salai
Papeda
Nasi Lapola
Kasbi Komplet
Kohu-Kohu
Gohu iwak
Acar Kuning Maluku
Iwak Woku Belanga
Sambal Tappa
Sambal Colo-Colo
Lapis Palaro
Bekasang
Bubur Ne
Bubur sagu Ambon
iwak rica
Sambal pepaya

Minuman

Kopi Sibu-Sibu
Air guraka
Sopi
Jus Buah Pala
Kopi Rarobang

Pupuluran

Wadai Asida
Roti Karing Kenari
Wadai Sanole
Pisang Asar
Bagea
Lempeng
Gogos iwak
Sagu Tumbu
Talam Sagu Bakar

Jujuhutan

^ ^a ^b ^c ^d Prabandari, Purwani (1 Desember 2014). Politik Cabai, Majalah Tempo Edisi Khusus Antropologi Kuliner Indonesia. Jakarta: PT Tempo Inti Media. hlm. 52–57.
^ "15+ Makanan Khas Maluku yang Kaya Akan Rempah, Harus Coba!". Best Seller Gramedia (dalam bahasa Indonesia). 2022-12-21. Diakses tanggal 2025-04-14.

[:0-1] Prabandari, Purwani (1 Desember 2014). Politik Cabai, Majalah Tempo Edisi Khusus Antropologi Kuliner Indonesia. Jakarta: PT Tempo Inti Media. hlm. 52–57.

[2] "15+ Makanan Khas Maluku yang Kaya Akan Rempah, Harus Coba!". Best Seller Gramedia (dalam bahasa Indonesia). 2022-12-21. Diakses tanggal 2025-04-14.

[1]

[2]