Masakan Kalimantan Utara

Masakan Kalimantan Utara yaitu tradisi bamasak matan panduduk prupinsi Kalimantan Utara, Indunisia. Masakan ngini tatamu pangaruh lawan urang nang mangganai banua ngini nang baciri utama yaitu mamakai bahan lokal nang tadapat di alam, lauk utama nangkaya iwak banyu tawar wan minim rarampah. Lain pulang lawan masakan matan urang lainnya di pulau Kalimantan nangkaya Masakan Banjar wan Masakan Malayu matan Kalimantan Barat nang banyak bahubungan lawan dunia luar, jadinya hudah tapandang badahulu, masakan matan Kalimantan Utara rajin nangkaya makanan hari-hari wan baisi tihnik bamasaknya saurang.

Bubuhan Dayak nang bagana di Kalimantan Utara maanggap hutan nitu iya muasal kahidupan buhannya. Di dalam hutan, buhannya kawa tadapatakan bahan-bahan makanan nangkaya humbut, akar, bigi, daun, kambang wan hewan liar. Hidup keterasingan di tangah hutan maulah buhannya kada pinandu rarampah jadi bumbu.^[1]

Sama nangkaya tradisi bamasak urang Dayak nang lainnya, Dayak di Kalimantan Utara juwa pinandu cara manjaruk bahan makanan. Ihwal ngini kawa tahaga di Masakan Teluk, yaitu Masakan matan iwak pelian atawa bawi nang dipaja dalam wadah baimbai duwa baras basangrai nang masih mantah. Masakan jaruk ngini yaitu makanan nang tahan lawas rahatan bahari-hari/babulan-bulan dudinya wan dipakai jadi sangu makanan rahatan tulak bakabun wan wayah bajauh matan rumah. Salaya nitu, proses manjaruk ngini juwa dipakai gasan mengawetkan satwa kulihan bagarit gasan dimakan pulang wayah hudah sampai ka rumah.^[1] Ihwal ngini mahirip lawan proses maulah wadi matan warga Dayak di dairah pulau Kalimantan lainnya wan pakasam nang rancak digawi lawan urang Banjar.

Dayak Kenyah Umaq Long

Masakannya urang Dayak Kenyah Umaq Long rancak nitu mamakai bahan lokal nangkaya pakis, humbut paikat, daun bekai, patikala (blusut), bigi kapayang wan paring gasan alat bamasak. Rancak nitu juwa, buhannya wastu mamakai uyah Krayan nang didapat matan guntung di gunung jadi tatambahan parasa wan daun bekai gasan manambahi rasa gurih.^[1]

Daptar masakan

Adapun masakan nang tahaga di Kalimantan Utara yaitut:^[1]

Ilui atawa inau, pisin pati matan rumbia wan gumbili
Tutut atak, iwak banyu tawar nang dibanam dalam paring
Lerek, bubur matan nasi atawa gumbili
Lerek fazang dao blusut
Teluk, iwak pelian nang dijaruk
Bitter kicep, bubur kulat

Itihi juwa

Jujuhutan

1 2 3 4 Wijaya, Agoeng (1 Desember 2014). Politik Cabai, Majalah Tempo Edisi Khusus Antropologi Kuliner Indonesia. Jakarta: PT Tempo Inti Media. hlm. 138–152.

[:0-1] 1 2 3 4 Wijaya, Agoeng (1 Desember 2014). Politik Cabai, Majalah Tempo Edisi Khusus Antropologi Kuliner Indonesia. Jakarta: PT Tempo Inti Media. hlm. 138–152.

[1]