Manyanggar

Manyanggar adalah salah sabuting ritual kaagamaan Kaharingan nang diulah ulih suku Dayak di Kalimantan Tangah nang batujuan gasan maulah rambu-rambu atawa tapal batas antara manusia lawan roh halus supaya kada saling mangganggu alam kahidupan masing-masing lawan jua sabagai ungkapan rasa hurmat lawan batas kahidupan makhluk lain. Ritual manyalang ini manjadi tradisi di lingkungan masyarakat Dayak nang manganut agama Kaharingan karana inya parcaya bahwa dalam kahidupan di dunia, salain manusia ada jua makhluk nang kada talihat lawan mata.

Kagunaan

Upacara Manyanggar digawi rahat panin kabun atawa maambil hasil alam matan hutan salah sautingnya rahat akan manabang pohon. Manabang pohon di hutan marupakan kabiasaan adat dayak matan dahulu sampai wahini. Padahal, laju deforestasi di Kalimantan Tengah mulai ngalih hagan dihalangi. Bardasarkan data Wahana Lingkungan Hidup Indunisia, laju deforestasi Kalimantan Tengah saban tahun mancapai labih dari 150.000 hiktar. Parilaku itu bida lawan budaya laluhur masyarakat Dayak nang mamanfaatkan alam sacara bijak. Salain nitu upacara Manyanggar juwa dipakai hagan ritual dalam mamulai maulah suatu bangunan.

Prusis

Satiap suku dayak satu dengan suku dayak nang lain baisi babida-bida dalam prusis upacaranya. Namun sacara umum baisi tujuan nang sama sagan wujud rasa syukur wan sagan tolak bala. Pada umumnya, prusis upacara Manyanggar dilakukan lawan maandak dan manyusun babarapa galas baisi titisan darah hiwan nang hudah dikurbankan ka dalam bangunan halus babantuk rumah panggung babahan kayu nang dindingnya dibalut kain bawarna kuning, wan kagiatan ngini dipimpin ulih pamuka agama Kaharingan nang disambat Mantir. Titisan darah hiwan nang dikurbankan diantaranya darah hadangan, kambing, ayam hirang, wan ayam putih, wan sabagainya. Masyarakat Dayak rancak manyambat rumah sakral nitu sabagai Pasah Keramat.